冇咩去街市買送經驗, 想煮餐飯, 但吾知買幾多錢呢

我平時煮兩個人飯(同老公)大約$20-$40, 視乎食D乜啦, 如果要有蝦蟹或其他海鮮就貴D, 如果普通家常便飯, 買瓜菜, 豬牛雞肉, 魚, 豆類...通常$40以下夠兩個人食(大胃王另計).
你要買既材料, 個個街市價錢都唔同, 我以前去開個街市好平, 但搬屋之後平均貴左3-5成, 有D仲貴1-2倍添! 所以要睇下你買餸個街市咩價錢, 通常一個生菜$3-8, 金菇會pack好一包包大約$3-6, 草菇有D每両計, 有D就一份份, 兩個人買$4-6就夠, 西蘭花每斤計大約$6-8斤, 可以揀一個中等大細, 通常唔超過一斤大約$5-6, 肥牛去牛肉檔或者凍肉舖, 三十幾蚊磅, 通常會pack 好一包包, 有D牛肉檔會即刨, 買廿零蚊應該夠食架.
以上純屬分享意見. 如有錯漏請指正!

2007-07-24 14:58:02 補充：
樓下果位朋友: 冇經驗咪行多D囉, 一星期唔熟, 一個月就熟啦! 如果逃避街市, 只去超市, 咁點會有經驗呢? 經驗係累積先會有架嘛!

如果以你所講嘅嘢就大約四十蚊度啦 , 肥牛用急凍有一包包賣 , 散賣嘅要廿蚊都夠喇 , 買菇去百佳菜檔就方便啲 , 要幾多執幾多 , 街市好多時都一份份咁賣 , 未必用得晒 , 當然你可以分開用就唔怕 , 一次買幾餐嘅嘢就可以拉平均會平啲

2007-07-24 16:55:17 補充：
咁係呀, 街市行熟左 , 就知邊檔平邊檔啲嘢靚 , 又可以练講價 , 熟左又平啲 , 超市就唔得喇 如果你話好趕買嘢就一次買幾日野 , 仲有係諗好幾日食咩 , 有時可以一樣野份兩日用兩個做法去整 , 咁你可以一次整好先 , 咁咪可以有時間走盞囉

其實街市買餸好簡單啫, 金菇,草菇, 你想要幾多份量同佢講如要5,6,10, 蚊錦,佢會幫你架啦.
肥牛..最好去super store 買啦, 西蘭花, 有大有細wow(都係幾蚊個), 都係因你自己既需要買law