關於釘耳問題

我想問釘完耳之後,係未要日日滴藥水嫁??
要呀
因為你釘完耳個洞其實都算係一個傷口o黎
所以避免發炎就一定要滴
其實d藥水係要來消毒的

釘完後幾時先可以除出黎呢
你第二日除都可以
但埋口同發炎o既機會率都相當高
因為隻耳仔仲未好返o架~~
最好一兩個月先除會比較穩陣

第1次釘係未應該釘耳珠先??
其實係o架
因為耳珠係咁多個地方之中最唔易發炎
第1次釘可能好多生活上o既細節都唔為意
就會容易發炎

如果響家樂商場釘,會5會好貴嫁
有冇便d既地方提議牙...
唔係邊度釘o既問題
而係有d平o既舖頭係唔會幫你搽止痛藥
又或者釘歪o左個位
所以次次戴耳環都好難戴
過o左一陣要重釘
我第一次釘耳係四、五歲果陣
媽媽帶我去金舖度釘
真係一d都唔痛(我印象中)
我亦都試過o係旺角、葵芳度釘
覺得葵芳葵涌廣場最高果層o既一間釘耳舖頭釘得比較好d
但旺角20蚊釘兩隻耳o既可能釘之前佢唔會幫你搽止痛藥水囉...
佢會同你講:"冇d咁o既o野o架!"咁囉...

p.s.如果釘完耳果晚即刻發燒o既話就會除o左耳環喇
因為發炎呀!
(我有friend試過...)

希望幫到你喇!!

1. 要每日用消毒水清理傷口2-3次
2. 要不時轉動耳環。如不轉動耳環，傷口開始復原時會黏著耳環，日後便很難除下耳環。
3. 直至傷唔紅唔腫唔痕癢，先可以除耳環，否則傷口未完全復原你便除耳環，耳孔會埋口，即釘完耳都無用！
4. 釘耳好普通，通常都係賣耳環送釘耳，致於貴唔貴，可能睇你要乜款耳環。

不過，釘乜孔都好，最緊要衛生！

釘完耳之後，係要日日日日滴藥水嫁!
如果唔係，會好容易就發炎嫁!
釘完後大約一個月左右就可以除返出黎啦!
其實第1次釘，你想釘耳珠又得，
想釘其他都冇問題架!!
如果係家樂商場釘，d價錢都唔算好貴囉。
你可以試吓去其他既商場釘都得架!!
應該都會有架!