我想知我有咩做錯左?咩可以做得更好?

可能原因有ｄ唔關你事，但有ｄ關
圖片參考：http://hk.yimg.com/i/icon/16/26.gif

１．你係唔係買袋裝魚？袋裝魚死亡率高架，因為掛左o係條街成日，又熱又少水，之前舟車勞頓，狀態唔會太好架啦，萬一揀得唔小心係病魚就死得仲快。所以最好買缸中o既魚，貴少少都值得。
２．有冇睇清楚魚有冇病？買魚時同缸有死魚病魚就忍下手，揀魚時要留心魚尾魚鰭有有摺埋，魚身有冇係咁擺動但係又唔游，有冇白點爛尾／鰭，呢ｄ都係明顯病癥。
３．一晚即死，你有冇對水？新魚先原袋放入缸五至十分鐘，令袋內外溫度一致（對溫），再將袋內水倒走一ｄ，然後每五至十分鐘逐少加缸內水入去，等魚適應水質（對水，時間因人而異），最後撈魚入缸水唔要。新魚最後餵完舊魚同熄燈先入缸，以免被襲。平時留意水質，一星期最少換一次水，水溫唔好高過三十度。咁會養得耐ｄ。
４．講到水溫，你個缸有冇溫度計？知唔知幾多度？天氣熱，水o既溶氧量低，你有冇氣泵？
５．新缸一入魚就死，你個缸運作左幾耐？意思係入水，任濾水器運行，至到裏頭o既生物環有硝化菌，呢個過程要時間完成，不能一揮而就。更加要問o既，係你個缸缸係唔係一買返屋企就入水入魚？新缸最少要用水浸兩日，有人用鹽水，抽走哂再入過水，等缸中o 既玻璃膠或污物冇哂，然後打氣一日，等水中o既氯氣消散。有冇咁做呢？
６．濾水器你又冇講點放，唔知你有冇錯，可否拍照再 post 條 link o黎睇睇？但濾水器必須有濾棉同生物環。上面各點中提到o既器材，已經係最基本架啦。

你是否養金魚?如果你是養金魚的話咁我就知道點解,如果你個魚缸

唔大的話就是因為金魚比其他魚污濁一些,你養得金魚多,所以d水就

好黃,請你補充一下啦!你的濾水器要放過濾棉,生物環/生物球,活性碳。

你的濾水器可能不夠完善,你放濾棉,生物環/生物球,活性碳入去個濾

水器入面吧!

2007-07-24 14:44:51 補充：
記得一星期換一次水,只換全缸1/3的水,不要多也不要少。

1. 有無用隔夜水養魚
2. 有無完善o既過濾系統
3. 水溫o岩唔o岩
4. D魚係唔係打魚
5. D魚買番來有無病
......................................等

D水好黃因為過濾系統仲未完善,
在過濾器放白棉, 生化棉, 生物環,
令到D生物環有菌,
慢慢D水就會清番!!