我隻兔仔好蠢

其實蠢係唔出奇,人都有聰明同愚蠢哪.不過佢地可愛嘅地方與狗狗唔同,訓練之後,效果唔會好顯著,我以前都好想自己個隻好似d網友講咁,但係隻隻兔兔都有唔同性格,就佢地d性格,可能要學下用得其法,你個隻有d問題,我隻全部都有,

1.佢如果唔想你抱,你可以先用毛巾放係地上,抱佢放係上面,摸下佢,當佢幼稚園小朋友咁,講下野,佢雖然唔會聽,但會feel到你關心,過一段時間,改放大脾上,慢慢來,唔好急,比d安全感佢,

2.唉!!!!!我隻都係咁,四處便便.每次用消毒藥水抹乾淨,因為我個隻怕消毒藥水d味,不過我隻兔兔仍然同我玩野,次次唔同位置,所以只好慢慢教囉,但睇到佢自己成日四處傻下傻下咁跳,又幾得意,

3.咬D電線,要小心小心,嗚.......我養過一隻,都因為半夜時間,偷走出來,不知天高地厚,最後電死左,我好難過,你見到佢咬時,輕力打下佢哪,以免無人時電死呀.....

希望你早日解決到問題,好好享受養兔兔嘅樂趣哪,我都係經過幾個月至學會照顧佢地咋//

小白白的主人

1. 呢個係個別動物性格既問題, 俾多少少時間同耐性喇~~~又或者先試o下親自餵o野食俾佢, 等佢熟悉你既氣味以及知道你係佢既「米飯班主」個陣, 反應應該會好d

2. d兔兔會響佢平時屙臭臭既地方屙。如果你唔想佢周圍屙, 要先令到佢習慣響便兜屙, 最好係當佢響便兜以外既地方屙過既地方, 用漂白水加水抹, 令到d臭臭味冇晒, 便兜上面本身亦都最好放多一層報紙, 便於清理兼令到兔兔聞到呢處係佢屙臭既地方

3. 兔兔周圍咬係因為牙痕, 試o下俾d草磚或者買舊兔兔專用磨牙石俾佢止痕吧~~~