✔ 最佳答案
旺角有幾間可選擇的。近來我自己則幫趁係銀城廣場1樓那間,即係百寶利 Cali 對面個商場。
http://www.hk-nutrition.com/
價錢 ok,不過個 sales 自己好似唔識o野,可以去上面個網,揀完自去買。
另外,以前亦曾經幫趁過係先達樓上那間,都ok~
而以你的 budget 而言,大致上都可以,一般乳清蛋白的價錢由 $300-$400 不等。牌子選擇都好多,不過我唔會特別推薦個別產品,因為每個人的腸胃不同,對健身奶粉的反應會不同的。一隻奶粉有人會好吸收,有人會食到消化不良。所以無話邊隻實得的。真係要自己試過至知得唔得。
而且,健身奶粉只係提供營養,齋食的話只會增肥,唔會增肌,一定要配合做運動至有好效果。重有,奶粉只係輔助,其實正餐的營養一樣重要,唔可以食奶粉就唔注重正餐的。
另外,飲奶粉時最好連同少少固體食物一齊飲 (例如麥包),可以幫助吸受奶粉。記得要食翻多點生果,飲多點水,否則會熱氣。