懷孕可唔可以做離子直髮?

我懷孕既時候問過我婦產科，佢話過左3個月就可以去電髮、染髮或做離子直髮，但7個月後就唔太適合，因為個肚已經開如好大，坐得耐會令腰痛。

無錯，我都唔太建議孕婦電髮、染髮或直髮，雖然無證據顯示做呢類頭髮護理會對胎兒造成影響，但始終為了安全起見(我想你都不願意你胎兒冒這種險吧！)，還是忍耐一下吧，反正夏天你可以將頭髮束起，而且時下又流行梳髻，你大可日日束一個不同的髮型，多好！凡事向好看，祝你生個肥肥白白的小寶寶。

嘩！我都想做，但我一直都忍住唔做，放落個頭度o既全部都係化學野，就算d皮膚無吸收到，你做果幾粒鐘都要聞住果d味！我諗點都唔係幾好啦！我本身係長頭髮(當然d頭髮本身唔係貼服果隻)，所以不嬲都keep住幾個月做一次，但一有咗之後就唯有忍住啦！連剪頭髮都唔係幾想去，因為始終d飛髮舖d電髮水味都幾勁！我而家6個幾月都係剪過一次髮，而且而家咁熱，索性日日束住佢囉！