養天竺鼠剩熊仔鼠好呢?還是普通倉鼠?

如果你要養一對既話,熊仔鼠or其他倉鼠絕對地唔適合你,一來倉鼠係獨居動物,二來倉鼠繁殖得好快,如果不斷繁殖落去,唔洗一年,就可以有過百隻鼠
特別係熊仔鼠,之前買左隻女鼠返唻,點知係有左BB,生左BB之後,未戒奶BB已經打到飛起呢
我熱愛熊仔鼠,亦都非常想養天竺鼠,曾經經過二選一既心理鬥爭,最後選擇左養熊仔鼠,或者講下我既感受同你分享一下.不過我對天竺鼠既認識唔多,只係睇過大約一個月資料,所知既都係好有限

A.熊仔鼠VS天竺鼠
我選擇養熊仔鼠既原因如下:
1)獨居vs群居
倉鼠係獨居,天竺鼠係群居,甚至有d講法係天竺鼠一隻住既話會唔開心而叫,我唔知天竺鼠係咪真係咁,但都睇過有天竺鼠打交既講法,始終如果要兩隻動物放埋一齊,未必明白佢既感受,又唔知佢係咪鍾意,所以個人認為一隻易打理,又可以集中注意力去錫一隻寵物,可能係我既問題,如果多過一隻寵物,我自己係非常易有偏心既情況,但往往都會因此而感到內疚.
所以養倉鼠較適合我

2)叫聲
倉鼠既音頻一般情況下都唔會聽到,只係痛苦or驚既時候先會聽到倉鼠叫,咁就好易分到佢有冇咩問題
而天竺鼠平日都會叫,我就好怕d動物係唔係都叫,一來難分辨佢有冇事,二來唔想家人驚

3)剪指甲
倉鼠好少要剪指甲,但天竺鼠間中就要剪下

4)壽命
倉鼠中,熊仔鼠大約2-3年命,天竺鼠多數7,8年,最多可以去到10年,呢樣當然天竺鼠好啦

5)地方
倉鼠用既地方少好多,但有地方當然冇咩問題,只係我覺得用同樣既地方,對倉鼠唻講可以成為"豪宅",見到好大既空間俾自己既鼠住,感覺都好好多.

6)腮
倉鼠比天竺鼠多一個腮,對我唻講係好吸引既地方,覺得好得意,而且在科學上,倉鼠獨特既腮都會有特別既研究作用

7)梳毛問題
倉鼠短毛既話,係唔洗打理佢d毛,但天竺鼠長毛短毛都要梳毛既,我本身就有鼻敏感,所以比較難接受要梳毛.

8)作息時間
倉鼠係夜晚活動日頭訓覺(大約黃昏到半夜活動),天竺鼠係相反既
我係夜鬼,所以倉鼠適合我多d

9)相關資料
較多人養倉鼠,所以搵相關既資料會較易,但錯誤既資料同樣地多,但有多d資料可以自行分析.加上如果鼠鼠有病,識醫倉鼠既獸醫我估會多d,我唔肯定,但覺得因為倉鼠多d,市場多d,又多實驗係用倉鼠去進行,所以獸醫應該接觸倉鼠會較多吧?
同樣地,因為倉鼠好多被人去做實驗,感覺上偉大一點.

我考慮過既大約就係呢d問題,希望對你有幫助

B.我覺得天竺鼠會較臭,始終體形較大,但其實熊仔鼠都會臭,只係睇你點去打理,日日清潔一下排泄既位置,一星期大洗一次籠,其實都好好多的

C.用品唻講兩樣都差唔多,係天竺鼠用既籠要大D,食既野會多D
俾倉鼠一般要買既物品資料你參考一下
買鼠時要買既物品:(大約價錢)
1)鼠籠($100~數百都有)
要揀一d地板係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
2)水樽
多數籠都包埋,每次換水時必須用手試下係咪出到水.
3)沖涼粉($30)
有分普通同藥性,買藥性都ok,但記得唔好成日沖涼,一星期1-2次,唔可以用水沖涼.
4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
5)轉輪(較大$30~55)
都係多數籠會包埋,但都要留意唔好係一間間會卡鼠腳既,唔係都會好危險.鼠鼠好需要活動,而大多喜歡轉輪,所以都係必需品.
倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦. 咬籠嘈既你就訓練下佢,佢咬既時候鬧下佢(最緊要係個態度,佢唔明你講咩架),或者唔理佢,佢唔咬就俾少少野食佢食(主糧度俾一粒佢已經足夠)
6)鼠糧($20~30)
買一包咩都有d既混合主糧就可以,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
7)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
8)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋之類易爛既屋仔,唔係會整親鼠鼠
9)額外物品(視情況而定)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既.外國都有書本話呢個係危險玩具,不過我就唔記得本書名啦.

D.天竺鼠熊仔鼠價錢其實差唔多,大約$70-150

E.我自己較喜歡熊仔鼠,其次就係小紫王,其實可唔可愛我覺得都係其次,最緊要係了解該動物既資料,再睇返自己想要D咩先好去養,養一對倉鼠既話,真係會好多麻煩

我本身好反對人養倉鼠唻繁殖同埋一籠多裊,因為真係有好多問題,如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

F.我冇養過天竺鼠,所以冇天竺鼠既相,都唔想去COPY人地既寵物相片,你可以到YAHOO圖片,打"天竺鼠",一定會有好多的
我可以俾我既熊仔鼠相俾你睇,呢隻就係我之前所講被打既鼠,你會見到佢左辟冇左一部份,係佢未戒奶時俾佢姊妹打到咁既
(本人鼠相,請尊重版權,請勿copy,謝謝!)

圖片參考：http://i176.photobucket.com/albums/w162/kelvin320/070723-1.jpg

呢D冇得問人架,係你自己仲意架,但係我最仲意係熊仔鼠,我養左2隻女,2隻男,仲生左一鍋倉鼠呀!!!

um...個人認為熊仔鼠比較好,身體教小 色合小型家庭養的,天竺鼠其實大佢好多!好似龍貓咁大 刀有d小型ga 我刀養佐2隻熊仔鼠
買2隻最好出自同1個籠/鋪頭 唔同ga好易打交哦!我之前買戈..打死佐=___="汗"" 至於臭= =你係咪講緊d便便呢?睇你畏佢食咩啦~
籠同玩具+磨牙石+埋到係35.5!係旺角(金魚街)住係到到應該知
食物刀係53蚊到(中)=100蚊到唔洗
小雲石/小紫王到係一個唔錯ga品種黎架!
希望幫到你啦^^個人意見 ※絕冇抄人※