聖誕節6天後，即係大除夕當晚凌晨12點，佢打左個電話比我同我講:「我知道呢件事係我錯，我地一早就唔應該開始任何野，愛一個人係喺心入面，我地分開左唔代表我唔再愛你，我希望你會明白我既處境，我打黎唔係想要求d咩，我只係想有個交代，就算你以後唔當我係朋友都好，我都一樣會咁愛你咁關心你，新既一年希望大家會有個好既開始..」我知道大除夕當晚佢應該係同屋企人一齊，佢應該都係落街先打得比我，冇可能會在老婆面前打啦。到左e+我同佢都仲有keep住tel contact，大約2星期一次通電話，問下對方呢排生活過得如何，我地仲係好關心對方。
但係我知道自己都仲係好鐘意佢，我仲未放得低佢，因為我地分手果刻都仲係愛對方，我每次打電話比佢時我都總會輕輕略過一句「我好掛住你」，我咁講唔係想要求d乜野，我只係想佢明白呢大半年我一直好掛住佢，即使呢大半年我身邊都有男仔出現，我個心都只係得佢一個，但佢每次比我既回答都只係一個字「嗯」，跟住就叫我唔好亂咁諗野，天氣凍叫我唔好唔食藥，佢即使分左手，但每隔一排都一定會同我contact打黎關心我/.\。我知道佢咁講係因為如果講都答話掛住我的話，我地既關係又會番番去以前咁，我明白既..我一切都明白...
但係呢半年黎我真係晚晚都想起佢，發夢都見到佢，真係好辛苦，發夢入面會出現好多以前同佢一齊既片段，我知道好多人都會覺得我係一個賤人，好做唔做去做人第三者，但係發生左就係發生左，我唔知可以點，我都覺得就算我地兩個即使一齊，將來都唔會有好結果，一定會遭人白眼，但係我真係好掛住佢好愛佢，真係好辛苦...可以點呢?
[[[[妃妃×。baby〝]]]你講得岩，佢都同我講過我同佢係timing唔岩，識得佢太遲，我亦都冇諗過要搶佢番黎或者要佢同老婆離婚，一黎我冇咁既能力，就算有，我知道個後果我擔當起。我知道我好多野都比唔上佢老婆，佢老婆係一個賢妻良母，而我在別人眼中只係一個貪玩既小妹妹(我20歲)，我都希望佢同老婆會一直落去，我只係想同佢會一直keep住contact唔想大家好似分左手就唔會再搵咁，我亦都唔想再差隻腳落去因為咁樣只番番去以前咁，個問題會一直重複再重複沒完沒了..但係真係好辛苦T_T 差不多晚晚想起都會自己一個喊，不能說的「我愛你」
