如果我個阿媽好唔公平，次次我細佬一做錯事，如果小事我就只是罵一罵，大的我會打一打他，不過次次阿媽就ｈｅｌｐ曬细佬仲打我，

做人老豆老母既 大多會偏心
因為你細佬需要比你更多的照顧
而且俗語有話 "孻仔拉心肝"嘛!

我見到你會教你細佬，做兄長都算係咁喇
不過我係你既話 我就一定會唔開心
我相信無人會鍾意受到不公平對待既
你唔開心還唔開心 就唔好搵細佬發洩喇
你應該同你娘親講出你既感受 你既出發點
話佢知你唔係蝦緊你細佬
話俾你媽媽知唔岩果個係邊個
如果你媽講緊都唔聽既話
我建議你罵佢 無錯 係罵佢
唔好介意同佢罵交
因為好多人 你無D大小小既反應
佢根本就會當無事發生

另外，佢張打你罵你果陣 你千萬唔好避
你試想想 如果你每一日都做同一樣事情
但又無人阻你無人罵你既話
你點都會覺得件事係可以接受或者係無錯既
你次次都避 你媽會覺得佢大晒
罵下你打下你無咩所謂
罵你打你已經變成佢生活既一部份喇
你既反抗 可以令佢醒覺
知道其實自己都有錯

你都係佢個仔黎嫁 點解淨係咁對你先
最後同你阿媽講
你話如果佢係你 你問下佢會有咩感覺

所以 你必須要令你娘親醒覺
另外就係教下細佬 唔好亂黎
唔係第日出到去既話 你細佬有排受呀

最後 希望你唔好唔開心啦^^!

我果時都係咁...
我係最大果個\打得最多果個係我///
食飯慢d又打... 唔做功課又打...遲起身都打...
不過依家知道...
父母都係想我做個好榜樣俾d細佬妹,,,
因為佢地見到我做咩就會做咩...
果時我都幾唔開心...覺得好唔公平...
不過依家父母最鍚果個係我..,
haha...即使我依家係外國讀書...
佢都成日寄野比我... 打電話比我
父母其實係鍚你o既...

你梗係大家姐呢啦

呢0的冇得避啦, 鬼叫你亞媽鍾意你細佬咩,同埋你細佬又咁識做大戲
你點罵都冇用
試下制定一些措施, 同你細佬講下道理同時你又要俾埋你媽媽知道你做過乜,
試下同你媽媽講下你既出發點係乜, (點樣教你細佬), 你又可以平心靜氣同你媽媽投訢一下
你又試下站在你細佬角度去想下,
等佢知道你關心佢, 又唔係成日罵佢,
慢慢佢就會尊重你啦

我同你的情景都差唔多.........我好同情你......
如果我係你既話..我會儘量唔出聲..
任佢鬧........鬧完之後自然就冇事拉~~~

我覺得你應該同阿媽解釋一下（喺正常嘅時候）