老細賤真係下唔到啖氣!可以申訴嗎?(下)

其實勞工處講得o岩架，因為你已經簽o左份離職通知。

勞工處的角色可以說是執法及一個中間人既角色，負責調解勞資雙方既問題，所以佢o地多數會睇證據。以你的事件，個人認為如處於中間人的角色看，你與你僱主都會有很多理由及很多理據支持自己，事件的經過亦只有你們知道，所以中間人既角色一定會睇證據，由其白紙黑字的 ... 所以你已簽了，你的僱主亦可大條道理話你係自願簽的，所以真係好難搞 ...

要贏唔係無機會既，但可能你要搵第二o的途徑，搵很多的證據去支持自己，但自己衡量一下是否值的啦 ...

另外，你僱主話如果你要繼續做就要你派傳單，如果你接受留低，個人認為你是有責任依他指示做，因為果7日又係另一個口頭協議 ...

講真你都係做o左2個月，咁就當自己唔好彩，早走早著好過啦 ... 何必要咁辛苦自己捱多7日呢 ... 天氣還咁鬼熱。

不過你都同佢計清條數 wo，如果你係果2個月內有法定假期未放，你一定要佢補番比你呀，重有如果你係計底薪加佣金的話，7月13日法例已改，要用平均數計，千祈唔好"sit"比佢 ... 重有做夠 60日佢要幫你由第1日開始供款直到你 last day ... 諗諗下，其實佢係唔係因為唔想幫你供 mpf 所以突然叫你走呢?

有問題再打多幾次去勞工處，因為每人的做法和理解都唔同，如個個都係講同一樣既答案，咁你認命吧，下次小心o的，唔清楚既野千祈唔好簽，有問題就打去勞工處問清楚先，有時你用勞工法例大番o的僱主，佢地認為你都識o的野，咁佢地會小心o的唔會做得咁過份，咁當然你要講得o岩先得既 ...

記住 ~ 勞工法例係保障我們這班打工仔的 ... 但 ... 一切都要講求證據 ... see ?

希望幫到你 !!

2007-07-24 23:29:38 補充：
另外都補充一句，如果你決定留埋果 7 日的話，僱主可以要求你做合理既工作，但如果要你做一o的不合理或者犯法既野，你係可以有權唔做的 ...

2007-07-25 23:33:25 補充：
如果你係廚師，過往都只做緊廚師既工作，但突然有日要轉你去做派傳單，咁既情況下你可以拒絕唔做，如果雙方都不肯退步，多數情況都係大家四四六六傾掂佢，唔做就補足錢比你埋單走人。勞資糾紛除按法例外，通常亦會考慮公司過往的做法，但當然要base on 勞工法例，所以真係 case by case，你舉的例子可以係合理亦可以不是。但你的個案是，你已比信辭職信(雖然被屈)，你僱主話"你要做多7日就要企出去派傳單"，如果你要留低，即刻你已接受o左o黎個口頭協議，既然接受，你就無得嘈 ...

2007-07-25 23:42:26 補充：
至於恐嚇，我就真係唔識咩定義為恐嚇，你可以係法律題目內問下人 ...或者佢下次，試下錄低佢音用來當證據，但咁樣就真係唔知會唔會叫侵犯私隱。其實你為啖氣定你想繼續做? 繼續做未搞到自己日日都唔開心 ... 為錢? 不如花多o的時間搵過份好工好僱主重好 ...為原則則另計

2007-07-25 23:52:27 補充：
其實我只係用我所知同我既經驗去解答你，答案未必完全準確，因為每個個案都唔同，準確o的都係搵勞工處。不過都可以提提你，如果你要上庭，你一定要準備充足，同埋要知道自己上去要爭取o的咩，同埋你要諗埋一個很合理地被僱主呃你簽信既過程，足夠的證據 & 有禮貌。官係會幫o的弱勢社群去爭取權益，但同時亦要講求證據同事實，因為實在都有很多唔好既僱主及唔好既僱員 ...希望幫到你 ...

你都應該去勞工處, 勞工處係保障僱員ge, 佢地會幫僱員多d ga~不過請問係幾時ge 事, 唔好隔太耐先去~~為左保障你自己, 你下次簽d 咩最好都問佢拎份copy~同埋就算你去勞工處, 可能可以爭取番你應得ge, 不過都唔係會攪到佢開唔到一排~~不過佢都頭痕ga la, 佢要抽時間上勞工處, 好多d 手績果d...同埋好多野佢係可以搵d 經理果d 幫佢去, 就算最後要一齊去勞工處佢都可以搵經理去...你會比d 舊同事話你攪到佢地lor~~你真係想要爭取番果d $$ 就去, but 如果你係為啖氣..就唔好la..你都話你人生對得太多呢種人應該看化一點算了~~無謂以後經過果度都無面見人, 做眾憎ar~

如果在此情況下叫你簽名

我認為已有一點恐嚇成份

如在強迫及恐嚇成份及環境下簽名, 在法律上是可以推番的, 因不是出於自願及合理情況

你可以同勞工處講, 由佢地去教你點做

e樣我就唔係好知！but我可以給你看看條例！
網址：http://www.labour.gov.hk/legislat/content.htm#top
你可以上去看看！有many條例給你look！