三角摺紙問題??

係..你所講0既無錯..佢0地所謂0既白膠就係香港的白膠槳。當然..熟手0既會邊摺邊砌邊黏上去..但我覺得就唔係咁好, 因為當你整個作品完成後..有0的位可能需要調校一下個作品0既角度，如早早上左白膠槳的話，一黏實０左就麻煩啦。建議先將整個成品砌好後再調校好個成品，最後先上白膠槳，上膠０既方法係先將白膠槳加水稀釋佢．再用油掃（可以到五金舖買，有唔同大小供選擇）或畫筆，將開稀左０既白膠槳水塗抹在成品上。咁就得啦！另外，有一個快速做法．．．你估都估佢唔到，就係直接噴上噴頭髮用的噴髮膠，快速方便分佈平又平均．．．都係另一個不錯選擇，當作品完成後．．．可作後期加工，就係買一支光油噴劑，（同樣五金店有售，唔記得係廿幾蚊定幾十蚊支，你去問下啦，間間價錢都唔同．．但一定唔會要成百蚊咁貴。）將光油噴劑噴０係作品上．乾後就可以作擺設或筆筒或插乾花花瓶用都得。由於已噴上光油關係，紙質受到保護，清理麈埃時都方便０的。