✔ 最佳答案
仍然幾好睇。無左魁地奇比賽,同埋有啲可以用特技交待既野佢無落功夫去交待,不少小說中有趣既細節都欠奉。但原著成38章700幾800頁,要拍成兩個零鐘,算係咁架啦!
個人認為,佢交待感情關係方面例如妙麗同榮恩感情既引子、金妮對哈利既情愫、天狼星作為哈利義父既感情、同學納威 Neville在佛地魔戰爭中既角色同恩怨、石內卜教授既過去……呢d對未來劇情舉足輕重既野都交到足貨。對未睇過小說,又追開哈利波特電影者黎講,都照例不可錯過。
內容所限,第五集《鳳凰會》場面係唔會夠第四集《火盃的考驗》咁豐富同神奇。同時,睇過原著既當然又覺得電影無咁好,呢個一定(集集都係話睇小說好d 個喎~~~);第六第七集,霍格華茲將面臨戰爭,嶄新而奇妙的魔幻地點都大致出盡,你估下集混血皇子(大量戰鬥場面+哈利新戀情)仲會唔會好睇過頭幾集呢?之不過故事就一定要追咁解囉!