倉鼠是否鍾意離籠出走啦??

A.兩次走佬唔成功係俾你發現所以走唔成?如果你既鼠成功走到出籠就真係要小心,倉鼠係逃走專家,真係好易不斷地出走

只要走到,差唔多可以話大部份鼠都一定會走的,我以前既鼠都會成日走左去,不過後來識處理,先冇再發生,但都發生過一次,忘記左關門又冇走鼠,真係抹一把汗

鼠鼠走佬原因其實道理好簡單,鼠鼠咩都會咬,咩都咬下之下,好易就會發現到開門之類既走佬方法,被困之下既鼠見到有位走or有位置同平日唔同,就好易會走,多數因為被困想走,就好似如果你被困在一間屋,忽然俾你打開到道門,都會想出去一樣,但都會有d特別驚死的,唔敢接觸外面既地方

B.鼠鼠未真係走到算係好好彩,走到就真係要花D時間去搵,仲好易搵唔返,俾定D搵鼠方法你旁下身,最好都加個鎖落去門道(鎖匙扣就可以),咁就安全D

鼠鼠走佬尋找法:
1)走失左你可以去屋企既角落度搵下先,鼠鼠多數呢埋去一d暗既角落,
2)留意屋企有冇d咩危險物品,好似殺蟲蟻既藥等等,要收起
3)仲要關好門,唔好俾鼠鼠走左出去.
4)試下用野食引佢出唻,叫佢名同埋用平日叫佢食野既方法叫佢,等佢知道有野食就出唻.都係唔得既話,可以放d野食出唻,引佢自己出現.
5)捉返佢既時候要小心,最好有d物品幫手而唔洗直接用手啦,因為佢走過,俾你發現之後情緒會比較緊張,可能會咬人,亦都比較難用手就咁捉到.

隻隻鼠呢埋既地方唔同,我之前既鼠就試過呢去床邊既罅,都試過呢去廚房d邊位,都試過在我房門口等我.梳化下都有可能,總之在d幽暗位搵下,鼠鼠都係鍾意呢埋同鍾意暗既.而且小心有開過門or有咩位俾佢走到出街呀.出左去就搵唔返架啦.

如果走佬後搵返得既話,要好好留意以下幾點:
1)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!
2)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁.
3)都要留意返個籠仲有冇第d位可以走到,倉鼠係出名既逃走專家,一定要小心
4)佢走過出去驚好正常,同佢用沖涼粉整乾淨個身,檢查下佢身體有冇受傷
5)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀.
6)呢幾日要特別留意下佢既排泄物有冇異常,我擔心佢出去食過d唔乾淨既野or嚇到唔舒服

係嫁,下次小心la~~

倉鼠其實係好奇心十分大的動物,而且精力充沛,會想走都不出奇,
我提議你買一個倉鼠用的轉轉給他們玩,好讓他們發洩精力^^

我個d都係, 好鐘意咬個籠...
有次個籠唔知點解好勁, 比佢咬爛左, 佢就出左去
之後就搵唔返佢
其實有時佢地出左去, 又唔會走得好遠
佢地都會搵一個暗位坐o係度唔知做咩
其實都唔知佢地點解咁做

唔係嫁~
好似人咁~有好多唔同種性格~
只不過你好彩D隻隻都係鐘意走走去姐~^^
我養既都有D好靜~有D好煩嫁啦~