又走鼠啦.....點算呀??

A.鼠鼠走佬尋找法:
1)走失左你可以去屋企既角落度搵下先,鼠鼠多數呢埋去一d暗既角落,
2)留意屋企有冇d咩危險物品,好似殺蟲蟻既藥等等,要收起
3)仲要關好門,唔好俾鼠鼠走左出去.
4)試下用野食引佢出唻,叫佢名同埋用平日叫佢食野既方法叫佢,等佢知道有野食就出唻.都係唔得既話,可以放d野食出唻,引佢自己出現.
5)捉返佢既時候要小心,最好有d物品幫手而唔洗直接用手啦,因為佢走過,俾你發現之後情緒會比較緊張,可能會咬人,亦都比較難用手就咁捉到.

隻隻鼠呢埋既地方唔同,我之前既鼠就試過呢去床邊既罅,都試過呢去廚房d邊位,都試過在我房門口等我.梳化下都有可能,總之在d幽暗位搵下,鼠鼠都係鍾意呢埋同鍾意暗既.我唔知你屋企係點,所以都好難話多數咩位置.而且小心你有開過門or有咩位俾佢走到出街呀.出左去就搵唔返架啦.

如果搵返得既話,要好好留意以下幾點:
1)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!
2)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁.
3)都要留意返個籠仲有冇第d位可以走到,倉鼠係出名既逃走專家,一定要小心
4)佢走過出去驚好正常,同佢用沖涼粉整乾淨個身,檢查下佢身體有冇受傷
5)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀.
6)呢幾日要特別留意下佢既排泄物有冇異常,我擔心佢出去食過d唔乾淨既野or嚇到唔舒服

B.鼠BB好難講冇飲奶會支持到幾耐,鼠媽媽真係死左既話,鼠bb都唔會生存到,因為鼠鼠係依賴
除非佢地已經夠18日,不過都聽過16日大都仲生存到,但你既鼠好似得3日大,所以一定要搵返媽媽先得

不過你搵得返隻鼠媽媽佢都未必會再理BB,未必認得,搵返只好希望鼠媽媽會照顧返佢既bb啦
同樣地,你想搵第隻鼠代為俾奶俾BB食,佢知道唔係自己仔女,可能會食晒D bb,鼠鼠係唔會照顧唔係自己既bb

都唔好諗住自己餵奶俾bb,我好細個既時候,都有人教我用人手餵bb既方法,我試過係唔可行既,完全飲唔到,之後死左...鼠bb根本唔識得咁去飲,好易"續"死bb架.就好似人既bb仔咁,俾d飲管整d奶俾人bb飲,都係好危險啦.

用食物捉返佢媽咪,唔見媽咪會死>