港島區買新樓由何選擇

我係地產agent,希望答到你問題啦.

港島區,以我做新樓多年的經驗,我會選擇灣仔的尚翹峰and嘉薈軒( 一手單位只買剩一間覆式,就快入伙 ),西環泓都,西灣河的嘉亨灣及薄扶林寶翠園.

嘉薈軒---單位細,普遍係四五百呎的開放式或一房單位,出租容易,呎租起碼可以去到大約30蚊一呎,回報率超過4厘以上,呎價都係6000-7000幾左右,以港島商業區新樓計,算係幾合理.未入伙已經有多宗二手摸貨賺錢成交,幅度大約係15%之內,我個人覺得這個盤長線收租及短炒皆宜.

尚翹峰---灣仔區難得的新供應,又有會所,面積亦比較大,兩房普遍600幾呎起,以港島市區供應計,升值潛力不俗.不過我個人都有少少意見,因為呢個盤樓下係街市,環境老實講我覺得麻麻地,未必個個客接受到.

泓都---西區少有的大規模新樓,又近未來的堅尼地城MTR站,租金回報就一般啦,約4厘,但未來地鐵起好後,相信升值力會幾高.不過,我個人覺得最大缺點係唔實用,我做agent睇慣樓,都有少少睇唔順眼,哈哈.

嘉亨灣---東區少有的大規模新樓,景觀又好,又近地鐵站,最好就係有日韓電視頻道,吸引唔少太古城及康怡的日韓租客及買家.不過之前有一批炒家比較高價購入,仲有一批貨在手,二手市場選擇唔少,一手發展商又有三幾百件貨( 三房大單位居多,但好彩發展商一直都無減價賣樓 ),要升值,可能要等班炒家貨出租或出售到一定的數量,我個人估計都要半年後.

寶翠園---未來的MTR大學站有出口開在屋苑商場,樓齡新,發展商出名( 新鴻基 ),會所大,兼且以新樓標準真係算幾實用,我個人認為升值潛力幾高.不過,單位面積偏大,兩房單位都超過800呎,入場費可能比較高少少,仲有係大部分單位都係鑽石形設計,唔係個個客都接受( 好彩面積夠大,鑽石形都影響不大 )

希望我的意見幫到你啦,如果你有問題,可以E-MAIL俾我再傾,MY [email protected]

英皇道 933號御皇臺比較抵買,有升值空間........