小朋友幾多歲才適合單獨過馬路?

小朋友到了幾多歲才有能力及適合單獨過馬路呢?? 請就自己個人經驗回答....

其實【訓練小朋友單獨過馬路】可以係等同於訓練小朋友【自己學行】，【自己食野】或【講野】一樣，視乎家長所投放幾多心機，或者係個小朋友天資有幾聰明。但基本上，就算家長覺得小朋友識得一個人過馬路，都唔敢俾佢過。
原因係因為過馬路唔同學行同食野，學行最多會跌損手腳，食野最多會咬親或者吞唔到而【瀆親】，大多數唔會有生命危險。
但學過馬路唔同，過馬路一個唔該有個失魂司機車埋黎，你個仔 / 女就即時被KO。所以家長擔心，同埋發問者發問的原因，就係因為怕小朋友唔識應付一D突發o既失魂車。
但老實一句，家長始終都要【放】俾個仔去學一個人過馬路，唔通成世都拖佢手仔過馬路咩?

而且，仲有一樣野，唔知發問者有冇睇到新聞片，伊拉克或者一d戰亂地區，果d 6~7歲小朋友連機關槍都識用。
其實除左有人教之外，【大勢所迫】或者【強迫教育】都係一個令小朋友急速學到野o既一個方法。果d戰亂地區，多一個人識用槍就多一分力量，所以個個由細就要開始學用槍 (你幾時見過香港有6~7歲小朋友會囉住枝AK-47通街走? 玩具或者就會有)。
而且相比之下，用槍比過馬路更危險，唔識過馬路最多係自己死，亂開槍隨時會掃底一百幾十人。
但係果d大人咪又係放心俾支槍佢用，點解? 因為信佢地囉。

用番以上例子，其實要教的話真係一定會教到。
而且，好似我果個年代，某d小朋友都因為父母同時要外出工作，變左樣樣野都要自學，好多小朋友細細個已經識得自己一個人去買野食，返學 (仲要自己同自己換衫)，放學，執書包......等，邊有父母好似工人咁服待自己????

所以小朋友到了幾多歲才有能力及適合單獨過馬路呢??? 其實個人認為識學行，同識分辦咩叫危險之後就已經可以，但如果真係要取一個年齡黎做指標的話，咁............7~8歲左右啦，但個人認為如果小朋友天生已經醒醒目目，6歲左右已經可以教佢自己一個過馬路。


至於我，五歲未夠已經識得由自己屋企過隔壁村問表哥借玩具玩，來回最少過左8條馬路。

差唔多9歲

其實個個細路都唔同
你要衡量呢個小朋友資質
獨立能力同埋佢判斷能力
我個仔5-6歲已經懂得自己過
我見過有D小朋友10歲都未識過

小朋友到了就9歲有能力單獨過馬路!!!