我已經養佐我隻倉鼠bb一星期了!不過日日都吾俾我抱抱 所以請大家教下我啦 (要詳細) 10分

買左返唻一星期其實都唔係好耐,都仲未同你熟並唔出奇,鼠鼠好細膽,係要d時間去適應既,唔好咁心急,俾d耐性吧.
唔知你剛買返唻時有冇俾佢靜兩日先同佢玩呢?如果冇既話就仲更加要多d時間去同你熟,因為最初兩日最好唔好攪佢,俾佢慣下先

你話佢有時好惡,唔知有冇咬你呢?如版鼠咬,請將傷口消毒,再貼上膠布就可以了
鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間啦!

耐左都同鼠鼠唔熟,可以試下方法:

1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.

2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食

3)再熟d再試下俾野佢食既摸下佢頭or身

4)佢都唔抗拒之後,可將食物放在手心,等佢行上唻食,慢慢佢會習慣左你既手

5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

如果佢咁都仲驚你,就將以上步驟再重覆試下啦

你有愛心就唔怕你,就get 佢歡心
要輕輕力