1500w，250度焗爐可以焗什麼?

1500w，250度焗爐可以焗到雞及蛋糕嗎？因我不知道夠不夠watt數焗到如蛋撻等的東西
出面賣既焗爐一般都係1000W以上，能夠焗到雞及蛋糕。我經驗係好多焗雞同蛋糕既食譜都係需要介乎160 - 180 度左右就得，至於蛋撻，則大既係200 - 250 度左右。你個焗爐可以焗到絕大部份既野架啦﹗

其實某程度上W(瓦)數同焗爐度數是成正比的，所以如果你個焗爐度數support到你個食譜要求既度數的話，咁就已經ok架啦﹗當然，每個焗爐個性能都唔同，可能會同個食譜要求既度數、時間有出入，所以最好都係以食譜做reference，焗時keep住留意個進度，你焗多幾次野就自然掌握到你個焗爐個性能，咁自己每次焗野都識得因應個食譜自己調較架啦﹗
另外，好多人都會誤將多士焗爐當成係電焗爐，而多士焗爐一般都係1000W以下，兼且只有時間制，而沒有溫度制。只能焗輕量食物，如焗飯、意大利粉、Pizza和多士等等。

《電焗爐、多士焗爐和多士爐的分別》
電焗爐有火力制、溫度調教制及時間制，可以焗大件食物如大蛋糕和原隻串著來轉焗既雞等。出面賣既焗爐一般都要1000W以上，我想W(瓦)數要高先能夠焗蛋糕。

多士焗爐，舊款多士焗爐只有時間制沒有火力制，只能焗輕量食物，如焗意大利粉、Pizza和立體有形狀的的麵包。近年的新型號，比舊款多士焗爐多咗個火力制（即是可以選擇用面火或底火個d），在烘烤食物上控制會好一些。

多士爐是將2片或4 片(視乎牌子而定)的方包，垂直放入多士爐的麵包槽中，按自選時間焗好後自動彈上來。

2007-07-23 18:39:35 補充：
更正︰（打漏咗字）其實某程度上W(瓦)數同焗爐度數、焗爐size是成正比的，所以如果你個焗爐度數support到你個食譜要求既度數，而又放得落你想焗既野既話（當然唔好迫爆個焗爐啦﹗）咁就已經ok架啦﹗

當然可以，重可以焗蛋糕及肉類．