如果人死後都是下地獄，那你還做好人嗎？

我認識的企圖做好的人,沒有一個是因為怕入地獄先至做好.
如果因人死後都是下地獄,而人人都唔做好.
咁唔駛等死後,我地個地球已經變地獄.

好與壞係用自己既判斷.
所以即使大家有仇,我都唔會覺得對方係只有惡,無善.
事實上無見過大惡人.每個人都或多或小有善.
大部份人都有一套自己善既準則.

我既準則係盡量明白別人既感覺,
即使自己感到受傷害,或利益當前,
亦唔好隨便傷害別人.

當然做唔倒絕對.
做人既野,都係盡力而為架咋.

2007-07-24 21:38:04 補充：
上面d朋友幾可愛!如果要落地獄,遇見你地,都怕可以一邊火燒,一邊互相安慰.燒燒下就慣架啦.如果有放小息,重可以互相包扎添!人生痛苦,亦不外如是.好多人在此生處境已如同地獄.但人唔係任由擺佈的可憐虫.意志係你既.要做好,就做好,唔駛擇日.

假如人死後點都要落地獄 當然係繼續做返自己啦
好人定壞人唔係自己話 係人地覺得 反正都係落地獄 我又唔會令人覺得我好人
做返自己就ok啦 其實好與壞 係睇你自己點睇
好簡單 條友打劫搞到坐監 你覺得佢係好人定壞人?
壞人哦呵?但如果佢只係因為全家冇飯食 佢只係打劫左人地10蚊呢?
你重會唔會當佢係壞人?佢依然係犯法 但壞人形像可能減退左
有時用平常心去睇 好與壞 其實可能唔係差得遠 只係你知得多與少
最重要都只係一份感覺 好與壞根本冇任何定義定位 只係在乎各人看法

打邊爐時候放隻生蝦落去都已經犯左殺生罪，世間既好人同壞人其實點都要去一去地獄體驗一下架啦～

不過做得人當然就要盡量做一個好人啦，起碼唔犯重罪都唔使受重刑丫，再者做人係要學習改掉以往唔好既壞習慣，盡力做好自己應有既本份，可以安於現狀者咁就算將來要落地獄都唔使驚啦～

我認為既然死後下場都是一樣,何不做回自己呢?過一個快樂既人生唔好咩?好與壞係好難界定的,用法律角度去看又不一定準確,但用自己的角度去看又頗為主觀...所以所謂做好人,到底係你想做一個對得住自己既人丫,還是人地覺得你係一個樂於助人呢?而我既答案又未必能夠解答到你,因為人人觀點係唔同的,所以呢個問題可以話係無得解...

p.s:如果是我的話,我也會做好人的...

我會繼續做好人...