08高考中英

其實英文就好難話一下就有好大進步o既, 語言始終係要浸出o黎, 所以基礎好重要~
雖然你可能會覺得我係度講緊廢話, 但都係一句啦, 學咩都係o架喇, 最緊要係多練習~

Section A (Listening): 呢個好難保證, 因為年年深淺都有d出入, 而且英文底子唔好o既人都真係幾難聽得到同寫得到~ 不過咁, 都盡量做多d練習啦, 但你要有人理準備係第d sections 度拎分喇~

Section B (Writing): 呢 part 你都有 E 丫, 即係證明你 writing 都 ok 啦~ 可以嘗試用多d adjectives 啦, 同埋可以學多d高層次d o既字啦 (e.g. big = large / huge), 不過真係要識用先得喎, 唔係用錯o左就弄巧反拙~><

Section C (reading & language systems): 呢 part 最緊要都係做多d pastpaper~ 淨係做冇用o架喎, 做完對完答案之後, 一定要睇番自己錯d咩, 一定一定要明白自己錯在邊度, 唔明就搵人問到明為止~ 如果你唔去了解自己點解錯, 咁你到考試o個時又錯番同一樣o野, 咁做d pastpaper o黎就等於冇做一樣, 白費了...

Section D (oral): 考口試最緊要一樣o野o架o者, 就係要講~ 唔好怕自己講得唔好, 放膽d去講, 諗到咩 point 就講~ 唔洗用d好深o既字o架, oral 係考係講英文o既能力咋嘛, 你表白到就得o架喇, 就算用d好淺o既字都冇問題o架, d points 好o既一樣可以高分~

Section E (p. skill): 呢 part 佔分好重, 要注意注意~ 做 P. Skill 其實唔難o架, 我好多英文唔好o既同學都可以做得好好, 係 data-file 度抄d information 咋嘛~ 只要你知佢想你寫d 咩o既, 係 data-file 度搵囉, 搵到d咩有關o既咪照抄落去囉, 中 point 就有分o架喇~ 你唔洗怕照抄佢會扣你分o架, 佢扣盡都係幾分o架咋, 影響不大呀~


至於中化...
卷一(甲): 要記熟各類應用文o既格式, 上款丶下款丶標題, 等等~ 呢分 paper 要合格唔難丫~
卷一(乙): 呢個冇得練...頭腦清晰好緊要, 所以要有充足o既睡眠~
卷二: 都係冇得點練~ 試詔做 pastpaper 有八十幾分, 但到真係考完出o黎得個 E...試卷o既深淺程度問題...
卷三: 講丶講同講!
卷四: 多角度思考啦, 同埋要知道中國傳統文化特質, 如: 中國人重視 "家" 的觀念丶仁義禮智四端丶中西方文化上的差異, 等等~
中化要合格真係唔難o架, 你可以係考試前兩三個月去補習社報d intensive course 呀, 都真係有用o架喎~