我隻倉鼠搵野壓住自己

A.撥木糠其實唔係代表消暑,係好正常既行為,兩樣都冇問題冇病,請放心

倉鼠原居於生漠,訓覺既地方就係地底,所以鼠鼠天生就鍾意挖地洞,但而家既鼠住在籠入面,所以挖唔到地洞,你就會見到佢成日係咁撥啦.

都因為鼠鼠咁既習慣,好多鼠屋都用左一d圓桶形既管作為鼠鼠既通道.

有趣既係,睇過一d實驗,話鼠鼠特別鍾意一d迫既管,如果有幾條管,鼠鼠會揀條最細既入去,鼠鼠係可以入到睇起上唻比身體細小既管(因為鼠鼠既伸縮力好強),但有d鼠鼠比較肥,就可能會在管中卡住

以上各點特出既係,鼠鼠鍾意在狹小既地洞住,如果買籠,可以揀有管既籠俾鼠鼠(用樓梯既話,有d一間間通風既位,都易卡住鼠腳).
而如果不幸地鼠鼠走佬,都可以去一d狹小既角落搵返鼠鼠.

鼠鼠鍾意狹小既地方,所以用木糠整住自己身體都會有同樣既感覺,就算好熱好熱,你俾棉花佢佢都可能會咁做

B.提供一D方法等你既鼠冇咁熱吧
消暑方法:
夏天太熱時,可以用風扇遠距離咁吹下鼠鼠,又或可以用散熱板(不過唔係隻隻鼠都會用),同時用少d木糠
市面都有俾熱天用既用具,冷氣梳化or一塊板,係放d野入去再會凍既野,用完要再入既,我試過係唔好用既,因為會有水整到出唻,而且唔係真係咁涼. 都有睇過方法話放支冰水在旁再加毛巾,都試過唔似有用,鼠鼠唔會特別去涼,亦都唔覺會涼好多.仲會好多水整落毛巾甚至漏出唻...
所以我本身就用風扇遠遠地咁吹+散熱板+少d木糠.
同時留意水樽出水有冇問題,避免脫水同中暑(當然冬天都要留意,但夏天較緊要)

C.另外一提,倉鼠其實係獨居動物,多數細個一齊住係冇咩問題,但好多時慢慢長大,佢地既霸地盆心態就會出現,同性別OR唔同性別,甚至同一胎都會有呢D情況,我細個都試過好多唔同既情況去放埋兩隻鼠一齊,同一胎都一樣係咁,個籠好大,咩都有2-3樣都係咁
之前有兩兄弟感情好好,但出去一陣返唻就見到佢地打死晒,打到頭甩肚穿,好恐佈,真係好唔想有人步我後塵,我自己好鍾意鼠,都想養好多,但為左鼠鼠著想,我已一籠一鼠好耐了,而鼠鼠病少好多,命都長d,所以希望你好好考慮一下一籠一鼠,原因如下:

1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

每隻倉鼠都有佢自己性格架嘛，狗都係，有啲狗仔鍾意蓋被，有啲同佢地蓋被會抗拒，倉鼠都一樣，有啲有d倉鼠係性格孤僻既，有啲又好活潑，同埋有啲倉鼠會比較神經質，咩都驚一餐，所以可能係呢個原因，訓教時咪搵嘢借住自己，安全啲囉！放心吧！