有咩好睇既經典b movie ? ??

http://tw.knowledge.yahoo.com/question/?qid=1306051407197

以下係我心水推介o既b movie電影，全部均令我淚如雨下
圖片參考：http://hk.yimg.com/i/icon/16/18.gif

<極地雪犬>真人真事改編，無論你鍾唔鍾意動物，睇完一定令你愛上動物。
<壯志潛龍>真人真事改編，有關種族奇視的勵志片，故事不煽情，但非常感人，我記得當年有觀眾喺戲院睇到企起身拍手掌。
<綠里奇蹟>一部令你睇完必定會喊o既電影，我都好後悔當年冇入戲院睇。
<費城故事>關於歧視愛滋病人o既故事，湯漢斯與丹素華盛頓演出精彩。
<劫後重生>又係湯漢斯作品，單是睇佢個 人演出已經值回票價，最深刻的一幕是他與足球o既對話。
<跳出我天地> 英國電影，戲劇+勵志，笑中有淚。
<鋼琴戰曲>雖然係戰爭片，但不沈悶，導演以另一種手法拍攝，淨係睇男主逃亡已令人感受到戰爭的恐怖，抵佢攞奧斯卡影帝。
<尋找他媽的故事>女主角絕對係為藝術犧牲，令人佩服，故事特別。攞唔到奧斯卡英后，令人大跌眼鏡!!!
<明日的記憶>日本電影， 一家大細都啱睇o既電影，睇完會增進一家人o既感情。
<波特小姐-彼得兔的故事>真人真事改編，故事感人，而且係很罕有o既一級片，一家大細也可以睇。
<竊聽者>德國電影，男主角演技出色，故事有少少關於政治，但不沈悶，拍攝手法一流。
<與神對話>唔係一味講耶穌叫你信上帝，內容令你有所反思，一部好有深度o既電影。
<沒哭聲的男孩>真人真事改編，關於女同性戀被歧視，我睇完呢套戲好憎鬼佬。(呢套關於愛情，唔合符你要求，但拍得很寫實，我當佢係歧視同性戀o既藝術片，所以推介給你睇)
<小飛俠前傳之魔幻童心>片名改得好差，其實套戲係講小飛俠作者與一個單親家庭孩子的生活，而啟發他創出小飛俠的靈感，導演拍攝出色，喊到我眼腫腫呀!!
<尋找快樂的故事> 又係真人真事改編，韋史密夫與兒子喺地鐵廁所瞓教的一幕，非常感人而不煽情。
<一級謀殺>亦都係真人真事改編，律師拯救坐冤獄的囚犯，過程感人。