天堂應否有苦難存在

覺得你既問題好特別，我真係坐左係度好耐先開始答呢條問題架~

**首先，點解「苦難」係好架呢?
我地人類講既「苦難」，通常係人類認為對自己「無益處」既事
但係，到底邊個人能夠有權威話某某野一定係完全「無益處」架呢?
人類只有幾十年性命，到底咩係「好」既，自己未必能夠知道。一次既失敗，或者就能夠換黎另一次既成功，所以無野其實係「無益處架」，包括人類成日認為係衰野既「苦難」。

**係咪一定要有「苦難」 先會有好架呢?
點解要有「苦難」呢? 唔係因為要有「進步」嗎?
因為呢個世界有爭鬥，人先會要「進步」，越過呢的難處
世界上既爭鬥，係因為人類既「罪」產生架喎~ 人要擁有比其他人更多既野，所以就設計出甘多規則，要人遵守等等
就係因為「罪」，人落係甘多問題裡，先需要「改好」，亦即係要「進步」

但係係天堂，已經無罪了，所以爭鬥都唔會再有，所以唔會再有苦難架啦~

希望能夠解答你既問題啦~!!