求求我呀! 我好驚 唔知點算好 (男仔入)(10)

最有可能係你隻手唔乾淨，搞到尿道發炎。

如果你係勁痛，小便又去唔到，就要睇急症。排唔到尿，可以好大件事。

如果你後來冇事，就記得以後要洗乾淨兩隻手至好掂自己ｄ私家地方。

2007-07-22 16:28:53 補充：
疴唔到尿，你咪亂飲水，你真係疴得出到至飲，如果唔係到時急症要同你插尿管就仲痛。

2007-07-22 16:35:44 補充：
如果醫生處方抗生素療程，記得要依足醫生吩咐，完成整個療程。如果你食食下藥，見好左就唔食，再「返發」就抗生素都冇效。好多人都係衰唔聽醫生話，搞到抗生素冇效。

2007-07-22 16:37:21 補充：
如果真係尿道炎，你唔睇醫生，嚴重時會搞到變腎炎，仲大鑊。

2007-07-22 16:39:55 補充：
以上我係問個朋友做護士的。不過不如你自己睇睇詳情，同埋日後預防方法：http://health.atnext.com/index.php?fuseaction=DiseaseDB.ViewDiseaseDetail&cat_id=503417&dis_id=503910

2007-07-22 16:46:01 補充：
尿道炎向上感染，會變成腎炎，亦會變攝護腺、儲精囊或副睪丸發炎，搞到咁，你「秋野」唔知仲可以點用埋下半世。今次你就算變左冇事，都係睇睇醫生好ｄ。醫生多同你做小便化驗，真係冇事，咁你都安心ｄ。

2007-07-22 16:50:54 補充：
感染到尿道炎的途徑有好多，你唔駛怕面懵。而且醫務人員都好 pro，冇人會笑你。

唔洗驚可能係熱氣啦！

你去睇醫生啦

我都試過小便時又超熱同痛，不過我冇睇醫生，清潔好下面，一兩日就冇事．．．．．
不過如果真係好痛，睇醫生最安全，，，，

唔知你係整損左定你係尿道炎喎，而家有啲診所係24小時架嘛！你去睇醫生吧啦！油麻地同銅鑼灣都有間天一醫務所係開架，唔好再拖啦，快啲去啦！呢啲嘢可大可少！

尿 道 炎 ， 是 指 膀 胱 至 尿 道 出 口 處 的 尿 管 ， 受 到 細 菌 感 染 而 發 炎 ， 尿 道 炎 可 能 是 一 般 的 細 菌 感 染 或 淋 病 所 引 致 ， 患 者 在 小 便 時 才 會 有 刺 痛 的 感 覺 。 膀 胱 炎 是 膀 胱 的 組 織 受 到 細 菌 感 染 而 引 起 的 ， 而 病 患 者 下 腹 亦 會 感 覺 到 痛 楚 ， 小 便 時 就 更 加 嚴 重 ， 例 如 小 便 頻 密 ， 小 便 完 後 有 刺 痛 和 小 便 出 血 的 現 象 。 引 起 發 炎 的 病 菌 ， 是 經 尿 道 再 傳 入 膀 胱 。 由 於 女 性 的 尿 道 比 較 短 ， 病 菌 就 比 較 容 易 由 尿 道 再 傳 入 膀 胱 。 所 以 有 小 便 刺 痛 的 病 徵 ， 應 該 及 早 看 醫 生 ， 然 後 再 服 食 有 效 的 消 炎 葯 ， 病 情 就 會 很 快 康 復 。 膀 胱 炎 是 非 常 容 易 再 發 病 的 。 所 以 發 病 時 一 定 要 按 照 醫 生 指 示 服 葯 ， 平 時 要 注 意 個 人 衛 生 ， 多 飲 水 和 小 便 ， 就 可 以 減 低 膀 胱 炎 發 病 率 。

你可能飲水唔夠 同埋食得太多熱氣野