econ.....HELP

A. 係以你寫出黎既排名。係呢一題入面，你既選擇係喜好一，咁你既成本係喜好二。所以成本係價值2000元的手機。

B. 唔係好明你諗咩，不過如果opportunity cost 係喜好二，咁就係價值2000元的手機，唔駛加減。咁如果你意思係你選擇係喜好二，咁你既機會成本係喜好一，價值3000元的MP3機。

C. 我諗你概念上有少少出錯，機會成本係以貨物或服務為主要單位，唔係以錢。所以如果喜好二變為1000既手機，咁個成本都係放棄呢個1000元的手機，如果相比於前者，係無得比較，因為並不是同一件貨物。

D. 當只得一個喜好，或個件貨物既數量多到唔會有人爭既情況時(例如空氣)，就唔會有機會成本。

E. 如果只得一個貨物一個選擇，就唔會有成本。但如果你話可以用錢買其他野，咁即係有其他喜好或選擇，咁就有COST。

F. 機會成本既升降，取決於你所放棄既選擇既價格。例如，如果你既成本係500蚊既書，如果本書係半價(250元)，咁你原本可以買到一本書，依家可以買到兩本書(同一本書)，咁你既成本就係上升左啦，因為你原本放棄一本書，依家放棄兩本書。成本下降既情況就相反，唔多講啦。順帶一提，如果只係對貨物既感覺有變(包括自己所買同放棄既貨物)，對成本既升降係無影響。

G. 因為人既慾望係無限，而世界既資源有限，所以人要作出選擇，所以就有機會成本。

H. 經濟係社會既一種導向，咁當然有好多因素影響，所以有時候有D理論係假設「其他因素不變」，所以測驗考試唔寫出黎，會被扣分。



P.S. 海水係無機會成本，因為海水係無限，所以唔會有人爭，因此無成本。如果他朝一日，海水無乜既時候，就會有成本啦。仲有，一般經濟先學微觀，即係demand supply，然後先係GDP, MONEY SUPPLY呢D宏觀野。


睇黎你既經濟知識唔係穩陣，要多加努力。希望幫到你。

a.MP3機,手機同埋電玩既價值係在於個人既選擇喜好,而唔關o個件物品既價格事~

b.opportunity cost係指the value of highest-valued option forgone(被放棄的最高價值選擇之價值),即係手機既價值$2000,所以唔關呢個喜好2既野,全部都唔使理~

c.通常被放棄的最高價值選擇之價值改變($2000-->$1000),係會問opportunity cost改變既,你唔應該將d價格亂咁變,你放棄既野由頭到尾都係喜好2,唔可以話放棄幾多個喜好3咁樣~

d.當無選擇既時候,機會成本就是零,因為冇野選擇,所以冇野放棄~

e.機會成本同成本係唔一樣既~機會成本既定義:被放棄的最高價值選擇之價值,如果你要比錢去買喜好1,o個錢係成本,唔係機會成本,都冇其他選擇,機會成本就唔存在~

f.以上面為例,機會成本既變化在於喜好2既價格變化,如果喜好2既價值跌,機會成本就升,倒轉也是~

g.人有無限慾望,但係資源有限,因此要作出選擇,選擇一出現,機會成本就出現啦~

h.我地要做假設,係因為經濟學有好多變數,佢唔似數學1+1一定=2,有d野係解釋唔到既,所以我地要假設,咁樣先可以用科學d既方法去學經濟~

話海水冇機會成本係錯左一半既,正確來講,生產海水係冇機會成本,因為佢係天然資源,不過使用海水就有機會成本啦,因為d海水可以用左來供應市民或者水力發電,選擇出現左,就有機會成本啦~

微觀係一d比較細微,貼身既經濟學,好似你問緊既機會成本,供應&需求,市場格價呢d~
宏觀係比較廣泛,唔係由個人出發既,好似國民生產總值,國際貿易,經濟周期呢d~
通常都係學左微觀先ga~form4教微觀,form5教宏觀