倉鼠肚度生左舊野!!點算!

類似肉瘤突出物即係多左一粒野?定係肚中心好似有幾片野整埋一粒咁既呢?(唔係好識點講,唔知你明唔明,你可以UPLOAD張相唻睇下)懷孕係會肥左咁,唔會有粒野咁架...

林林地係瘡,硬既話就係腫瘤,兩樣都要盡快睇醫生先得,鼠鼠其實大多數都會有腫瘤問題,就係因為咁,鼠鼠俾人做實驗時,好多時都會用唻研究腫瘤問題
如果係幾片野整埋一粒咁既,就可能鼠鼠既腺位塞左,男鼠較多有呢個問題

A.瘡OR腫瘤
1)瘡既話,最好在爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.

2)腫瘤既話應該會照下,再做手術整走佢

3)放膿or整腫瘤都要落麻醉藥(放膿要睇位置同情況),所以如果你隻鼠年紀大既話,毫要考慮清楚先好決定,老左既鼠好難承受到麻醉藥既.

4)呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

5)睇醫生可能要book or如果未即時去到既話,可以做住以下既野先:
a)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
b)保持環境乾爽清潔,避免有更多細菌再令鼠鼠受感染
c)唔好俾風直接吹到鼠鼠,要鼠鼠保持溫暖
d)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
e)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

B.腺位塞左
鼠鼠既腺即係鼠鼠發出體味既地方,小露寶既腺位係同下方排泄位置成一直線,大約在肚中心,正常既情況下係會有少少凸起咁,唔係隻隻鼠都咁易睇到

鼠鼠既腺位塞左,多數會見到呢個位有較多既黏液,又紅又腫,咁就要帶鼠鼠去睇醫生先處理到,多數都要食抗生素,因為鼠鼠已被細菌感染

2007-07-22 04:44:16 補充：
個人認為就算問寵物店,都唔好盲目相信,始終寵物店係做生意既地方,就好似店內咩零食佢都會話鼠鼠鍾意同對鼠鼠好,但諗真d就會明白,食咁多類零食係好冇益.寵物店請人,唔會要求人熟讀有關倉鼠既資料先做得,所以未必真係個個都真正明白寵物既需要.寵物店最緊要係要客人買野,正如鼠店一日死幾多隻鼠佢都唔會話你知所以鼠鼠有病,如果係嚴重問題,最好都係睇獸醫去處理,以免延誤病情

2007-07-23 02:32:22 補充：
只係顏色就好難了解到,盡快睇睇醫生吧葵芳有醫倉鼠既獸醫,但....唔太出名,都俾埋資料你先城市獸醫動物及珍禽異獸醫院(荃灣)地址: 香港新界荃灣大壩街25號地下電話 : 2414 2525http://www.yp.com.hk/citivet/另外旺角都有一間,睇下會唔會都方便啦旺角動物診所 - 梁醫生九龍窩打老道66號A地下電話 : 2760-1026

2007-07-26 19:36:49 補充：
只係問醫生就要俾基金診金,大約如下愛護動物協會百幾,大圍$300,旺角動物診所,2百幾,另一間唔知你去之前可以打去問同約時間,佢會講基本診金你知而家唔會知睇返好係幾錢,唔知用咩藥,又唔知醫生會點做,就算你打去,佢都唔會話幾錢,係要去到先知,如果去到佢要同你隻鼠做d咩,佢會問左你做唔做先,你可以當場即時問幾錢,再決定點做

梗係帶佢去睇獸醫喇..話哂你都唔知咩黎..
如果係腫瘤咁點算呀!
不過你唔好緊要住..可能係唔係D惡性腫瘤
帶左佢去睇..咪咩事都冇囉..
放心哂..係咪!

唔使噤擔心...


佢可能係有左BB=)

未必係病~因為情況好少發生"


我諗你要再留意佢地多一點了~=)



但都你可以睇耐D先...如果真係唔對路,可以拎返去你買個間寵物店到問清楚"
始終人地都係專業人士MA~如果你真係CARE佢+,就千其唔好亂試D唔肯定+方法~
因為重危險...=)

請問你的鼠鼠現在幾歲?因為我以前養過.當一隻大約2歲.步入年老階段的食鼠就有機會生這些肉廇的東西...很違撼不用生醫生亦沒有辦法醫治...