如何克服拖延的缺點？

你要改善這個習慣,
先要改變你的心態,
要培養珍惜時間的觀念,
要建立管理自己的能力。


有時候唔想做野係因為覺得有大把時間,
可以拖,可以遲,
不過你就係要學習把握時間:

(1)呢個時候你就要同自己講你有的時間唔太多,
數3聲 or 5聲 or 10聲就要逼自己開始做,
如果做完就有獎勵:可以坐下,攤下,抖下...
每次約會都要話俾自己聽,
約會時間係比原定的時間提早10~15分鐘,
咁就算你到最後1秒先出門口都有得走棧...

有時候唔想做野係因為覺得果樣野唔多重要,
可以拖,可以遲,
不過你就係要學習分輕重先後,
做每件事前都訂個限時俾自己,
要逼自己在限時內完成:

(2,3)做左你認為最重要的野先,
諗下執袋同埋拆信等事項的重要性,
如方便明天or可能有d過期信等住你拆,
再諗下唔即刻做有咩後果/惡果...
限住自己幾時要做好。


有時候遲遲下不到決定係因為自己的性格or選擇太多太複雜,
不過就係要學習理性分析,後要逼自己在限時內做決定:

(4)將選擇範圍收窄收窄再收窄,
衡量其得失優劣再決定如何是好...

其實拖延有時是因為人的惰性,
要克服呢個缺點,
就要俾多d恆心、決心去做,
由小事做起,慢慢重整返你的生活紀律和效率。

不過,我覺得香港人生活太急促了,
偶爾放慢生活節奏也是享受生活的一種方式,
除非很影響你正常的生活,
否則問題也不是太大的呢...

如果你真係慢得好離譜,
咁你要諗下你想先苦後甜or先甜後苦,
正常情況下拖延過程係甜的,但結果係苦的...
最重要係學懂管理自己的時間!!

其實,我也有拖延的壞習慣,可能是因為我懶的關係吧!要克服這個壞習慣也很困難,到現時我還未改掉呢! 雖然我深知這個壞習慣會影響我的日常生活中的辨事能力,可是每次我想改過時都因耐力不足和懶惰而改不掉! 想克服拖延的壞習慣,最重要的是決心堅定不移,當然先要改去懶惰的壞習慣啦!

2007-07-25 19:51:57 補充：
問題是你堅決要克服這個壞習慣,誰也不能妨礙你,但你不想改善或決心不定,就算有多少好的方法,也不能幫你改掉!

我有兩個朋友

1第一個， 佢堅持每日跑步，在雨天時就跑樓梯，當日工作當日清，從不把工作留待明天‧

2 另一個，從不運動，工作檯亂七八糟，時時忘記有工作未完成，唔到最後一刻唔做‧

我唔知是否與做運動有關，事實就是這樣‧