婚姻問題...請多幫忙

恕我直言
你唔好期望你老公會有改過既一日啦，老套d講句，江山易改品性難移，無期望，你先唔會再失望多一次。

雖然我既經驗同你唔同，不過都係男人既錯，我爸爸就衰好賭，咩都比佢賭晒啦~
同時間，我地作為兒女，個個都已經長大﹑懂性，為左支持媽咪，我地屋企就採取左不聞不問既態度，當呢個人已經唔存在，佢會感覺到被屋企人忽略既時候，可能佢會走，可能亦會回頭，touchwood 我地得到主既看顧，佢已經改變左好多

至於你的情況，唔知你既仔女有幾大呢? 係咪可以同你一齊去面對到呢? 由於現代既年青人大多都好早熟，你不妨考慮同仔女們傾下，另外，你亦要作出多項既打算，比機會佢?點樣去解開你既心結呢~ 放棄，又會對你同仔女造成多大既影響?? 不過無論決定係點都好，最緊要樂觀d，有唔開心就搵人傾訴，唔好收收埋埋亂諗野，咁樣好易會轉左入牛角尖，到時傷害埋你既寶貝仔女o家~

可能既話，希望我可以成為你的傾訴者，放心，我係女仔同埋我唔會同人講既

這個男人一於同佢離婚,要佢俾贍養費!

又係老公返大陸搞女人,
結婚16年,一對仔女應該唔係太細吧,
男人滾開會上癮的,離婚啦!

我想問下你對仔女幾多歲呀??? 如果佢地仲係好細個.....咁無辨法啦...你只有"""忍"""

如果你d仔女都有15歲以上.....咁你就要視乎你有幾愛佢啦.....如果你係好愛佢,你ge做法都只有係""""忍"""",當咩事都無發生過.....
但你個心有條刺,咁不如同你d仔女傾下(p.s 要d仔女有15歲以上,因為仔女年齡太細欠分析力) 同佢地講等佢地幫你分擔下,等佢地比d意見你,如果佢地都支持你分開......又或者唔支持你都有個心理準備呀嗎......尼d問題外人幫你唔到ga.....同仔女傾....佢地先幫到你ga~~

夫妻之道貴乎坦誠，你要搞清楚你老公係唔係真係有外遇，以免有誤會．到時緃不好．當面問清楚，自己唔洗心煩．問題又有機會 solve 到．不過最後都係果句：寧教人打仔，莫教人分妻．