長笛咀型..

最緊要練習,
高音真係唔可以太尖,
你想吹得柔d,
就要自己多練,
練練下你就會發現有1個位(咀型)
吹得自己書服,
又好聽, 真係要練多d,
同埋, 有d 老師講過,
想最好1個8度,
就要練好俾e個8度高o既8度,
咁自然地e個8度就會好嫁喇

小弟都係長笛,但係學左一年!
所以唔敢講話教你,最多都係指點下!
我同你d情況都係一樣!

首先,在唔夠氣的方面,
好練習係其中方法!
但係要有一段時間,
大約半小時至1小時到!
因為當你練習時,
係一種肺部最直接的運動!
如果,練習時都有一定時間,
身體可能會慢慢習慣到!
所以練習係一種最直接的方法!

第二,做運動都係一種有較方法!
但要記得,最好做一d帶氧運動!
(籃球,足球,跑步,游水等等)
因為帶氧運動運用肺部的時間比無氧運動多!
所以帶氧運動比無氧運動練氣係比較好!
但唔好過量,一星期兩至三次到,
每次大約2小時至3小時!
而我個人建議最好的係長跑,
因為正常人每分鐘大約吸15~17次,
但一d長號運動員係可以12至14次到!
因為長跑係可以增加肺活量,
我都係因為唔夠氣先入學校長跑隊!
係唔係好奇怪唔夠氣都入到呢!因為我夠腳力!
但一定要有恆心,要持之以恆!
唔好做做下就停!
如果唔係做幾多都冇用!
仲有初學者大約一星期跑兩次到,
每次大約跑2至3公里,
跑先之後唔好企係到,
要慢慢行,因為跑完後會有雨酸係隻腳到,
慢慢行可以令雨酸均衡係隻腳到,
如果唔係,你會發覺第二日隻腳好痛!

第三,咀型唔正確除左會吹得冇咁好外,
仲會用多左氣,所以,你會發覺成日唔夠氣!
其實你呀sir話個咀要尖係無錯,
但佢可能講得太抽象,所以你唔係好明!
你試下吹你中文老師你教你個「圓」字正確讀法!
然後,試下讀個「圓」字,然之後個「圓」字個口型去吹高音,
果時你可能會發覺有d難吹,但吹多d就冇問題,
遲d你就會發覺你吹高音好聽左!
而
而對住塊鏡黎吹係有用架,
因為你要講住塊鏡去睇下自己個咀型正唔正確!
而且要睇下自己企個時d姿勢正唔正確,
因為如果企得唔好,都會影響你夠唔夠氣,
因為企個時d姿勢係會影響你身體的運作架
所以企係度吹憬比座係度吹比較好d!

2007-07-22 22:50:09 補充：
更改:錯誤:所以企係度吹「憬」比座係度吹比較好d! 正確:所以企係度吹「係」比座係度吹比較好d!

2007-07-29 02:00:51 補充：
而低音唔應該用「平」黎型容,我個人認為應該用「胡」會比較好d!不過吹低迫純粹係靠練同感覺!而最難應該係最低音的C,可能你吹果時已經用好多氣,但你仍然會發覺吹得好辛苦!因為你練唔熟,而且未習慣果種感覺!所以唔好一步登天!吹好左個低音D先!咁會容易d!記住,唔好急呀!

我係管樂團的
雖然我唔係吹長笛....
但係我都有留意到嘅
你吹高音時...要送少D氣.....送氣要平均
底音就送多少少氣....記得送氣要平均
至於唔夠氣...只係一時嘅事啦......我初初學樂器都唔夠氣啦.....
咁就要練氣.....
方法:(我用的..唔知對你有冇用)
1) 練習時....每個音吹一次..吹長音至到冇氣
2) 做多D有氧運動.提高肺活量
3) 唱多D歌..要揀D比較多長音同柔和D嘅歌...慢慢唱..唔好咁急

另外多D練習

唔知幫唔幫到你.....SOR