科大鬼故+HALL

其實LG2係因為唔夠位,所以封左
至於個入口係邊呢,其實係o係個男廁度,o個個男廁有得沖涼的,係第幾層就唔記得lu,不過我記得附近好似有得幫人剪髮的,之前去CEECP時,組爸組媽帶左我地d人入去男廁度玩,佢地媳哂燈之後,叫我地逐個逐個入去關水制,佢地入面有人會匿埋整古你的,
你入去個男廁度,先會有道門,再開多道門先係男廁,再入去開多度門就係沖涼的,入去後係門側邊會有多道門,個個就係LG2個入口,個道門冇門柄你開的,之前d人話個鎖唔係咁,後尾d人o camp時成日走去玩,所以先轉左唔比人入
聽組爸組媽講入面係個未完工的工地,好多釘個d,o camp時,佢以前會放d紙札公仔入去,跟住比枝電筒人,叫佢地唔好開電筒入去,正常人入到去黑媽媽就會開電筒,結果,開左電筒後就見到好多紙札公仔,赫餐飽
揀hall呢,hall 1好簡陋的,其他唔知la,因為我淨係住左兩晚,我記得有hall係出面睇有一個位零零舍舍冇左冷氣機的,組媽話個度都條其中一個鬼故既地點,o個個hall對住馬路

聽講話科大尋找恐怖LG2係o'camp 必玩的....又話個度好恐怖,有鬼所以封左...
但係聽有d人話其實個度係因為起科大時, 有d位(唔知LG1, 定係LG3..)起高左,所以LG2唔夠位, 被迫封左....
究竟邊樣係真呢??

Um.....我記得無位的是LG6唔係LG2...

LG2 o既鬼故:

話說體育大樓那邊的建築物,樓層的順序為 G, LG1, LG3, LG4, LG5, LG7.
那麼, LG2呢？傳說有個門口可以通往呢個地方...
每年新生營都會有機會要求D新生去尋找失落了的LG2...
有一年...一組4人帶著一支電筒被迫向LG2進發...
裏面黑漆一片, 佢地不斷行, 唔知轉左幾多個彎同上左幾多級樓梯...
突然間, 有人話:"你地岩岩轉彎個陣有無留意牆上面好似有D紅色野喎"
呢D咁既情況梗係死都話無啦, 但已經有D驚啦....於是有人提議撘住膊頭咁行啦...大家都話好...
行行下, 大家開始報起數來..1,2,3........之後, 取代4字既係一聲尖叫聲, 因為佢以為自己唔係最尾,
一路都有人撘住佢膊頭...佢即刻向前跑, 前面既人不明所以, 都用電筒向後一照...
照到既, 竟然係一張血淋淋既面...大家都只係識得尖叫同向前跑...不斷咁叫救命...
最後, 呢三個人終於都係正確既門口逃走出去, 佢地既組爸組媽都已經係定出面等佢地...
點知見到佢地得3個人, 而且3個人又嚇到唔識講野...都覺得有D唔妥...
不斷咁問佢地淨番個個去左邊...佢地都只係不斷擰頭...
於是就搵埋其他組長...十幾人入去搵人...
結果, 係某一個死角位既角落發現呢個新生...佢只係識不斷叫唔好...

新生最後點樣無人知...知情人仕都唔願意講任何野...
而且, 係以後既新生營, 都無再加入LG2呢個項目....
究竟, 點解會無左LG2既呢？原因呢？以前既LG2發生過咩野事？
既然無左, 點解又會有門口可以入到去呢?

仲有科大仲有D乜鬼故呢???

Um....好多,宜家無時間,等陣再補...

仲有仲有....科大揀HALL , 邊個好D....有乜提議???THX~

Hall 2,因為Hall 1有個鬼故唔知道發生響邊間房,但Hall 2好似無鬼故,所以Hall 2安全D!

可能有靈體都唔出奇’以前大約二戰科大係亂壯剛．．．搵位得度師苦攪攪佢
唔好入去玩 靈體上身一就死得．．．真人真事
連係個度起d工人都死於非你話邪唔邪丫