如果自己一個人去Shenzhen

危唔危險要視乎你個ｌｏｏｋ係點，如果你真係非去不可既，請留意以下幾點：

第一，衣著方面最好樸實ｄ，有咁普通得咁普通，因為如果你著到成只雀咁，手機又掛頸啊，又戴首飾啊，個樣似有錢，咁ｄ賊實向你埋手啦。

第二，個樣要惡ｄ，或者定ｄ，唔好驚驚青青咁，ｄ賊都忌你３分啦。

第三，貴重野要跟身，銀行擺前面褲袋，手機都係，個手袋及背囊擺前面。

第四，一眼關七，醒目ｄ，時不時留意下周圍環境，提高下警覺性。

差唔多啦，祝你好運。

如果你係諗住買翻版野呢,勸你就咪啦!倘若係買正版既又唔須要跑到老遠的深圳去,香港到處都可買到,你有冇留意這兩天的報章,羅湖商業城大部份店舖,搬遷的搬遷,結業的結業,正係一片愁雲慘霧,原因係當局大力「打假」定出一筆極豐厚的獎金來鼓勵檢舉或投訴賣假野的店舖,還會抽查買假野的人予以重罰,現在該商業城已沉寂得七七八八,同時那些地方又是狗販之地,鼠竊狗偷,扒手當道,況且你才15歲更是不適宜去呀,唔信?你問多幾個人啦!你聽我講啦!冇點你咖!

始終唔係咁好, 大吉利是講句, 如果真係有什麼事
會令到屋企人擔心, 最好搵朋友陪好d囉