Bangkok Marriott Resort & Spa一問

Bangkok Marriott Resort & Spa 設備齊全，面對河景，論交通尚算方便。酒店內亦有鐵板燒、泰菜、自助餐等等。我未住過，但就享用過佢入面o既泳池同健身設施。不過係冇沙灘o架！

由酒店行出嚟，會有個小商場，有幾間餐廳，亦有香港人最鍾意o既店舖 "boots"。我個人推介其中一間雪糕店 "swensen"，因為又平又多款，消暑嘛！

由於Bangkok Marriott Resort & Spa 位置喺 chareonrat kong，嗰邊冇咩大型商場，但入夜後，附近會有好多食市。不過，唔熟地方、語言，喺嗰條馬路搵嘢食可能會有啲困難。但如果你有膽，可以去試試，因為嗰條馬路上真係好多正嘢食。

由酒店搭 tuk tuk 去一個叫 klong san o既碼頭市集，嗰度有好多平價衫同鞋買。而且嗰度有個大排檔有勁多嘢食。如果你唔知點去，你可以同司機講，話去 millenium hilton hotel，因為 hilton 就係市集隔離。

其實，你仲有好多地方可以去。Bangkok Marriott Resort & Spa 入面有免費渡輪接載住客到對面河o既 BTS 站。你可以搭 BTS 去沿鐵路o既旅遊地點。以下推介幾個最容易去o既地方。

1. siam 站︰附近有新落成o既 siam paragon，入面入多間餐廳、名店、賣富泰國色彩o既檔攤。香港人鍾意去嗰邊食日本菜，你可以試下入面間 fuji (價錢較平) 或者 aoi (比較貴價) 。而佢哋個 food court 都有好多嘢食，質素唔差。另外，入面間大型超市最吸引。你可以喺入面買到不同o既手信 (主要係泰國食品、lays 多口味薯片，香港冇呢啲口味o架！)。除咗 siam paragon 之外，附近亦有多個購物點由天橋連接。如︰MBK (似香港旺角中心一類，有好多嘢食，同平嘢買)、SIAM SQUARE (似旺角)、SIAM CENTRE、SIAM DISCOVERY。你預一日，行呢個地方啦！
2. CHIT LOM 站︰呢度有間 CENTRAL CHIT LOM，上面個 food court 係自由行書介紹之一。遇岩做 promotion，可以買到好多嘢！
3. sala daeng 站︰呢度係 silom，夜晚有好多嘢行，有條街叫 phat phrom，似女人街咁。不過，附近會有好多 pub 等夜店，有小朋友就唔好行啦！你明嗎？
4. mo chit 站︰香港人最熟悉o既，曼谷最大跳蚤市場 jj market / chutuchak，勁多平嘢。不過，只係喺星期六、日開，而且人多，比較熱，要去o既就晏少少，但係佢哋好似 6 點鐘收檔，你自己考慮下啦！

曼谷仲有一個跳蚤市場 suan lum night bazzar，應該仲未 close 啩！我三月去嗰陣，佢哋話會 close，但係我有聽啲啱啱返嚟o既人話仲响度。你可以去o既！不過我覺得去咗 jj market，又唔一定要去呢度，因為賣o既嘢都係差不多，去其中一個都可以。
去o既方法︰搭 bts 去 sala daeng，轉 mrt 去 lumpini 站(唔知有冇寸錯，差唔多)，個 bazzar 就喺附近。

仲有一個大型商場 central world，附近有四面佛、big c (係一個咩都有o既超市)、water gate (賣平衫褲鞋襪、首飾等等)

另外，有個叫 kao san road o既地方，有好多食市、酒吧，馬路上亦有好多賣泰國特色o既小販，都值得行。好多日本人、外國人都行呢店o架！不過，冇 bts 或 mrt 到，要搭的士。

嘢食方面，有太多，不能盡錄。你唔介意，可以上我個 blog 睇下有冇岩o既嘢食，我再話你知點去啦！如果唔係，基本上我上面介紹o既地方都有好多美食，夠食o架！

spa 方面我唔多清楚，因為我唔太好，所以幫唔到你。或者，其他人會答到你！

旅途愉快！

2007-07-21 12:58:46 補充：
家住 Bangkok Marriott Resort & Spa 附近的半個泰國人

好詳細呀你ge資料..好岩我用, tks a lot~