我ge倉鼠好此生腫瘤???

鼠媽媽翼側即係手同身之間?鼠b幾大呢?
有可以係鼠bb飲奶時整損鼠媽媽而做成,亦有可能係鼠媽媽生產後,荷爾蒙產生變化而生既腫瘤

鼠bb未戒奶既話(18-21日戒奶),就要等鼠bb同鼠媽媽分開之後,先可以再處理呢個問題

試下以下方法暫時改善一下問題先:

A.飲奶而整傷既話
a.俾奶粉沖既奶佢飲
可能係鼠媽媽唔夠奶俾bb,bb就胡亂地咬,令鼠媽媽受傷,你可以用奶粉沖既奶俾鼠媽媽飲,補一補

b.不可自行餵奶
鼠媽媽受傷不適,可能就唔會再俾鼠bb飲奶了,但都唔好諗住自己餵奶俾bb,我好細個既時候,都有人教我用人手餵bb既方法,我試過係唔可行既,完全飲唔到,之後死左...鼠bb根本唔識得咁去飲,好易"續"死bb架.就好似人既bb仔咁,俾d飲管整d奶俾人bb飲,都係好危險啦.

c.更加唔好搵代母
因為鼠鼠唔會去照顧人地既鼠,俾隻鼠bb俾第隻鼠,只會俾第隻鼠食左bb,所以唔好咁做

B.腫瘤
a.如果鼠鼠有腫瘤,都未必會俾奶俾bb,因為自己唔舒服

b.鼠bb戒奶後帶鼠媽媽去睇醫生,愈快去睇,好返機會愈大
另外一提,鼠鼠如果係頸有粒粒,有可能係papova病毒引致,呢d係一出世就有既問題,多數都醫唔好,但其他腫瘤係有好返既機會,所以盡量帶鼠鼠去睇下醫生吧

愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

如果要做手術既話,就可能要去大圍先得,因愛護動物協會冇咩儀器
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

c.睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

C.另外,繁殖鼠鼠真係有好多問題,希望你可以考慮一下唔好繁殖佢地,同埋可以一籠一鼠,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-07-22 15:27:50 補充：
咁翼側係咪即係指手同身之間?如果你係話血塊,即係有血凝固左?唔係多左粒野?而位置係我所講既咁,會唔會係你用既籠有野卡住佢?即係地板,樓梯,轉輪係有空隙,咁就好易卡到鼠鼠,付鼠鼠手腳同身之間流血,都會有呢個問題,咁要睇返你講既係點

2007-07-22 15:40:14 補充：
或者你講清楚邊度係翼同血塊係點吧

2007-07-24 00:26:25 補充：
原來係呢個位,咁似係鼠BB飲奶時咬錯位咬親鼠媽媽了唔係多左粒野就唔係腫瘤,唔洗太擔心但整痛鼠媽媽都可能唔餵奶,又或係唔夠奶鼠BB先亂咬,所以唔好打擾佢地之餘,俾D奶粉沖既奶佢飲啦,記得要用奶粉,唔係易肚痛的

圖片參考：http://hk.yimg.com/i/icon/16/2.gif
真係一個壞消息！我之前養過一隻白老鼠，佢就係係頸部生咗個腫瘤，我無辦法救佢，過咗幾個星期就BYE BYE！

圖片參考：http://hk.yimg.com/i/icon/16/17.gif
你可以帶佢去睇獸醫，但係唔一定可以醫好，醫藥費仲貴到乸脷！我有個朋友有隻倉鼠，佢發現隻倉鼠唔飲唔食，仲好似發燒添；佢求佢老豆帶倉鼠仔睇醫生，一睇就承惠一仟伍佰；好彩既就係：倉鼠仔食藥後幾日就好番；但反觀你既就......

圖片參考：http://hk.yimg.com/i/icon/16/18.gif
而家你咁既情況，惟有睇倉鼠媽媽自己，如果佢唔捱得，你Ｄ倉鼠仔真係好危，希望佢可以捱到Ｄ倉鼠仔戒奶喇，唔係你就要用奶樽餵佢地，或者搵吓有無代母－－唉！真係可憐！

唔係腫瘤,bb飲媽媽D奶奶

我隻倉鼠試過lo!!~~
你帶佢去睇下醫生啦!!~