✔ 最佳答案
我諗你要清楚了解自己養的狗的品種,了解牠的脾性,因為有啲性格係本來就會有的,例如佢究竟溫馴定好動等等。有啲狗隻馴服性較強,領悟力較強。
養成大小便的習慣係應該係狗隻自小培養的一種習慣,因為基本上狗係BB的時候,肌肉未發達,所以在食完野之後,半至一小時之內就會去廁所。戈陣時就應該帶佢去你為佢安排的廁所上排便,如果佢唔係你安排的地方大小便,你可以等佢柯完之後,按住佢的頭,比佢嗅一嗅,同佢講NO,話唔可以,最好唔好打,因為狗會認為自己無做錯野,但點解你要打佢...地方的話,你可以鋪報紙(呢個比較實惠)或者購買市面上比狗去廁所的產品(都係要經常替換),如果你屋企有地方,可以考慮下搵一個又大又平的盤,放沙上去,比狗去廁所,就好似街的狗廁所一樣。因為狗係一種鍾意乾淨的動物,所以佢係唔會係自己訓覺的地方去廁所,除非你地困住佢,佢忍唔到先會柯。
有啲狗隻係會係主人帶佢出街的時候先會去大小便,一旦養成呢種習慣,就以後每日一定要帶佢出街,如果有時候的話都係一個唔錯的選擇,因為可以帶佢去散步兼且係外面解決大小便的問題,但如果自己無時間,就一定要教佢係屋企去大小便。基本上,狗想去大小便之前都會有啲小動作,例如會周圍嗅下,當你發現佢呢啲動作時,你就應該知道佢想去廁所,帶佢去你為佢安排的廁所。一開始的時候你一定要有地方限制佢,例如可以搵一個大籠,下面可以有報紙等等的野,當你知道佢要去廁所的時候,就放佢入去,佢唔柯就唔放佢出黎,等佢柯左先,或者可以放佢入廁所,地下都係鋪報紙,等佢柯左先放佢出黎,呢啲咁的動作要持繼一段日子,等佢自己可以自動入去你為佢安排的廁所自己去廁所的時候,你先唔限制佢的空間。如果你養的係大狗,第一個困住佢的方法應該唔得,因為要比一定的空間佢。
可以的話盡量唔好打佢,尤其是如果你養的狗係獵犬種類,你可以嘗試企係佢的角度去諗,你比人打都唔鍾意啦,佢係聽唔明你講野架,但佢可以從你的語氣判定出你究竟讚佢定鬧佢,所以你大聲喝佢佢係知道你鬧佢,打的時候可以打佢屁股,或者打佢的鼻鼻,當然打佢的鼻就唔好咁大力。狗的習性係培養出黎既,只要你唔好反覆無常,一有錯就即係話佢,無錯就唔好亂打佢,佢會慢慢知道邊啲野做得邊啲唔做得。好似佢上你SOFA咁,你就要鬧佢,趕佢落去,say NO...
同埋佢如果咬你的話,如果你隻狗無打預防針,咁你自己最好去檢查一下,最好同隻狗攞牌打預防瘋狗症針,希望以上的野幫到你la^^