狗識得自己醫自己??真定假呀!???

我細個那時，家中養的狗隻冇現在咁矜貴的，閒時冇人理可以通山跑的，有次我養的狗隻唔舒服，於是自己走了上山食了些草，回家後，嘔了一輪就冇事了，所以狗識醫自己可能是天性來的，但是如今香港的住屋環境那能容許它們自出自入丫！

答案有兩個:
1 係. 狗識得自已照顧自己, 所有動物基本上都有自救嘅能力, 好似用屙或嘔嘅方法將對身體有害嘅嘢排出體外, 皮膚傷口用口水消炎等等, 大部份由天然環境做成嘅普通不適; 狗隻都有本能自救, 除咗有瘟疫, 咁就神仙都救唔到.
2 唔係. 因為現今狗隻都係由人養, 所有飲飲食食都受人類控制, 未必人人都用天然方法, 好似食商業狗糧, 睇醫生又打針呀, 狗隻自救嘅本能漸漸減低. 加上人類養狗通常响屋企, 屋內滿佈化學品, 例如清潔劑, 油漆之類, 萬一狗隻食到呢啲嘢, 你叫隻狗點自救?

唔好講話狗狗, 人都識得自己醫自己啦, 呢d係生物與生俱來既能力.
就好似你食錯野, 你自然會嘔或痾番d有害既野出黎一樣. 唔好以為 "醫" 一定係指食藥, 生物體內都有白血球, 就係用黎自己醫自己.
狗狗如果食錯野, 佢地自然會嘔一兩次, 或痾一兩次. 如情況無持續, 無須睇醫生.
另外, 如果狗狗覺得唔舒服, 帶佢地去公園玩, 佢地亦會自己搵草食醫自己, 有養狗既人根本見慣不怪. 不過, 要留意公園既花草可能會有農藥, 或有老鼠藥, 所以讓狗狗自己食草前必須留意一下.