我兩隻雪橇仔女開始真打交.....怎辦???救命

你有冇諗過如果你咩都先俾晒隻女女（包括食...玩...摸...）
咁樣你只會令隻狗女繼續放肆落去...長遠嚟計都唔唔係辦法...
如果佢做錯嘢...你係好應該大聲咁鬧佢（好似細路仔咁）...就以同一件事為例, 你鬧得多佢就會記得原來咁樣做係唔啱既...
因為你兩隻雪橇仲細...如果你唔襯依家教...到佢哋大個咗你想教都教唔到呀！

你明知你隻狗女係爭寵既...你咪教多啲指令俾佢哋一齊做囉（因為你可以從俾指拎果part可以賞罰分明, 乖既做得啱既就有得食零食, 頑皮既百厭既就冇得食呀...）
而且你俾佢哋食糧果陣好應該同一時間俾佢哋一齊食...一來你可以俾隻狗女知道佢自己的地位係同仔仔一樣...二來你又要俾仔仔知道你冇偏心（因為狗都有靈性架...佢都會知道主人有冇偏心架...佢會以為你錫女女多啲架！）如果你一前一後先俾佢哋食狗糧或者零食等等...只會繼續坐大咗女女的脾氣！！！

你見到佢用好兇的眼神去兇仔仔果陣你就要用你自己的威嚴好大聲咁叫：ＮＯ！（因為你唔大聲鬧佢的話佢以為自己做得啱架）再唔得既就繼續好大聲咁話：女女...ＮＯ呀！
～雖然咁樣可能會令到女女唔開心...但係你為咗要建立番呢兩隻狗狗的友誼...做一次醜人都要架啦...如果唔係到時佢越嚟越惡...想教都教唔到呀！～
希望呢個方法可以幫到你啦！

另外兩隻狗狗食緊果隻狗糧唔係咁好架...最好同佢哋轉咗去啦...
你想知邊隻牌子好...可以睇吓以下呢個網站...有一至六星級既狗糧俾你睇...
http://www.dogfoodanalysis.com/dog_food_reviews/index.php
而我隻狗狗就係食Solid Gold及Nature's Variety Prairie（都食得佢肥肥白白．生生猛猛）
最重要係天然狗糧呀...