✔ 最佳答案
講真 唔理你15定25or35 係你阿媽眼中永遠都係細過佢
永遠你都係佢後輩....講真長輩喎.....長輩的確係用黎孝順同尊重
不過有句說話叫 始老賣老.....~_~
其實你阿媽鬧你係咪因為佢冇人比佢鬧得你一個女?
邊個係又煩唔係又鬧你?而你年齡你阿媽應該都更年期啦啵
女人到左更年期 特別燥底 生人勿近....
你阿媽有冇心情好好果陣唔使3秒會開火鬧人?
有冇試過連睇睇下電視唔關自己事 佢愈睇愈火鬧鬧下鬧左落自己度?
有冇試過佢同朋友傾傾下計傾落你度 數完你一收線就鬧你?
呢d真係叫做好鬼死無理取鬧 如果佢有 你有冇試過駁咀?
後果呢?有冇試過唔理佢 完全當佢透明應都廢事應呢?
其實你自己又有冇諗過離開搬出去住呢?
我阿媽以前都係個咁既人 失驚冇神就鬧 冇情情就打
完全係變態 家中各人都叫佢睇下精神科或心理醫生
不過佢只係話 有問題係我地= =
我....好好彩 結左婚 搬左 未搬之前佢都重係咁 真係好鬼惡頂.....
我由細細 唔識野 下下道歉 去到中期 頂唔順 野野駁咀 到左後期
我連氣都廢事晒落去 佢有佢鬧 我有我聽歌....
佢明知佢激唔到我出聲 就會打我 唉.....
如果你阿媽同我果件差唔多 你真係快d帶佢睇醫生
如果再落去睇醫生果個會為自己.....我果陣都有朋友同我講呢番話....