民主選舉？

首先，唔好受政治辯論誤導。一講普選／民主，一定有人將討論帶到「民主係唔係靈丹妙藥？又唔見印度經濟好？」云云呢ｄ方向。普選係一個政治改革，唔係改善經濟、科技、教育、醫療o既方法。飲水醫肚餓，唔可以得出「水冇用」o既結論，因為一開始有錯誤預期。
１．普選特首令佢有民意認受性。回歸以來，港府都開始玩民意，製造輿論去壓立法會，仲記唔記得保安局聲稱有一百七十萬港人內地子女會來港，令到香港人腳都軟埋？最後原來講大左成百萬！仲有廿三條意見彙編，都係亂咁分類。做到咁，都係要民意支持。無論事前中央有幾多關卡，普選出o黎o既特首話哂係多數選民覺得冇咁衰o個個，以此為名講o野都大聲ｄ。
２．立法會全面普選，可以令民意o係議會更真實地反映。現時功能組別佔一半，議案除地方直選o個一半通過外，仲要呢邊通過，但呢邊o既選民基數好細，有ｄ組別仲係有公司／董事票，基層／前線人員反而冇得出聲，所以大受非議。
３．政治上有左呢ｄ改變，政策制訂就會有改變，民意輸入o既結果，就係施政阻力減少。議員有ｄ有專業知識，冇的話政府有委員會，有請顧問，雖然冇可能話咁樣o既立法會通過o既政策好過現今、甚至全面委任o既主法會，但相反現今組成方法亦未必好過全面普選。
４．退步o既好難講。如果選舉結果係泛民大勝，政府會有更大阻力；但效率同質素唔係必然成正比。全無反對聲音o既議會，政府施政太草率會出事。而由於議員受選民o既票限制，唔會亂o黎。ｄ人成日話泛民例牌反政府，但提出修訂不等於反對，反對亦不等於不對。要橡皮圖章，不如搞獨裁。
５．如果政治／政策質表改善，所有階層都有得著，除左既得利益集團。
＊　＊　＊　＊　＊　＊　＊　＊　＊　＊
順手破一破一ｄ誤解：
首先我們要明白，民主並非最理想制度，因為爭議多，效率低！唯一好處是權力易手時，可減少社會震蕩。冇錯，獨裁效率最高，唔駛用資源搞選舉，穩定壓倒一切，冇反對聲音社會表面就會和諧，但暗湧更危險，冇民意輸入政策出現反彈時先解決就好可能代價更大。權力平穩易手而出現動盪，係中國幾百年來o既大悲哀！
其實由大多數人用一人一票去選特首、立法會議員，所得出結果未必勝過欽點，甚至好可能衰過！民主就係要令人有得揀，你想有得揀，定係交俾某人話哂事，到佢揀錯你又算數，頂硬上？你又點知欽點一定好？江握手咪握錯左囉！
一般來說，大家沒有真實認識候選人，全靠傳媒介紹，或聽聽候選人在不同場合自我吹牛，試想想，在這樣情況下，最有利是甚麼人，當然是那些靠口搵飯食的人，即是狀棍、社工及教師等，特別口甜舌滑小人，他們開出空頭支票，往往迷惑沒有分析能力選民。曾蔭權o既空頭支票都開始彈啦。選前承諾係公開o既，政敵可以挖返出o黎，同佢對質，等選民知道佢信唔過，下次就唔選佢。口甜舌滑，立場隨風擺柳，又豈獨狀師社工教師？有承諾，總好過連承諾都唔駛，亦無須向選民交待o既自動當選／搵定一埋公司票就嬴硬o既議員。
事實証明，先進國家行民主有成績；但落後地區講民主，結果一塌糊塗！主因是選民水平不足，不辨忠奸！最為人印象深刻o既，係蛇宴，旅行，專車接送老人家去票站o既疊水政黨。利用呢ｄ連選舉為左乜都唔清楚o既人，最令人齒冷。但咁唔代表香港選民質素低，只係有部份選民思想／行動被有組織地鉗制到不能自己，先至令佢地不能諗過先投票。
試看今天立法會，不難發現有市井之徒、現代吳三桂、台獨代言人等。市井之徒亦可以有良知，有風骨，有判斷力。現代吳三桂、台獨代言人等指控，若然屬實係叛國，有證據相信已經拉左，閣下有獨家資料不妨做野，否則不宜再扣呢ｄ文革式帽子。
所以香港要民主、要雙普選，前題是先要有成熟選民、成熟政治氣候。今日各政黨距離成熟尚遠，民主黨員「炒埋唔夠一碟」，只得幾百人，公民黨、前線、社民聯更無論矣！不成氣候。就算民建聯，會員也在一萬左右，以全港七百萬來計，亦不成比例。港人根本不熱衷政治選舉，只是政黨「作大」。選舉同黨員人數有關咩？政黨唔成熟係政治做成。香港連政黨法都冇，政黨要用有限公司註冊！中共係以中共為首領導其他民主黨派去一黨專政，根本不容有其他執政黨存在！特首勝選人要退黨先可以覆新架！呢ｄ閣下又知唔知？「隻衰狗有家教，成日坐地下！」但鬧佢之時你又唔俾佢坐梳化，咁係咪鬧得公道呢？
免強進行普選，社會只會倒退，政客天天爭吵，一事無成。回答及前文已提及，不贅。
狡猾政客只顧自己選票，極力討好多數低下階層人士、公屋居民、公援人士，利用公共資源買怕，不理會資源分配是否合理，反正不需要自己挖荷包，但那些階層肯定大票倉！工聯會招牌肯定係為打工仔女出力。冇一個政黨唔係，但以上言論恐怕連自由黨都唔敢講。
如短期就普選，工商未有足夠時間找代理人，則他們便成受壓迫弱勢社群。唯一出路是一走了之，屆時沒有工商業，你以為打工仔會受惠嗎？ 你認為民選議員真係會好似中國解放o個陣咁迫到外資走哂咩？你估佢地咁做，下次選舉有人會再選佢地咩？你估政府真係傻架？萬一係咁你估中央會坐視不理咩？特首有權解散立法會架。唔好再因為冇根據o既猜測而危言聳聽。
圖片參考：http://hk.yimg.com/i/icon/16/33.gif



泛民主人士心急早日雙普選，完全出於自私，並非要促進民主。基本法根本已寫清楚最終普選，無需爭取。老闆話你知最終你都會有糧出，你會唔會好滿意咁返屋企？最終係幾時？２０４７？綠皮書o既諮詢方向表明政府都冇計劃，否則點會問「２０１２之後」？拖字訣呀。中央一日對結果冇把握，都唔會放手。你睇得佢太低啦。
現在那班萬年青政客，長霸立法、區議會職位，繼續分肥享權，不讓後進冒頭。他們深知如2012普選無望，自己年紀大，行將就木，以後有得選，也輪不到自己。明乎個中奧妙，我們沒有理由陪佢顛，大呼大叫雙普選，為他人作嫁衣裳而已！ 知否本來民建聯／自由黨都有o係黨網講幾時有普選？佢地識時務改左o者。佢地想見到呢一日，同市民係咪想見到係兩回事，市民冇必要造就／選佢地。

首先我們要明白，民主並非最理想制度，因為爭議多，效率低！唯一好處是權力易手時，可減少社會震蕩。其實由大多數人用一人一票去選特首、立法會議員，所得出結果未必勝過欽點，甚至好可能衰過！一般來說，大家沒有真實認識候選人，全靠傳媒介紹，或聽聽候選人在不同場合自我吹牛，試想想，在這樣情況下，最有利是甚麼人，當然是那些靠口搵飯食的人，即是狀棍、社工及教師等，特別口甜舌滑小人，他們開出空頭支票，往往迷惑沒有分析能力選民。事實証明，先進國家行民主有成績；但落後地區講民主，結果一塌糊塗！主因是選民水平不足，不辨忠奸！試看今天立法會，不難發現有市井之徒、現代吳三桂、台獨代言人等。所以香港要民主、要雙普選，前題是先要有成熟選民、成熟政治氣候。今日各政黨距離成熟尚遠，民主黨員「炒埋唔夠一碟」，只得幾百人，公民黨、前線、社民聯更無論矣！不成氣候。就算民建聯，會員也在一萬左右，以全港七百萬來計，亦不成比例。港人根本不熱衷政治選舉，只是政黨「作大」。免強進行普選，社會只會倒退，政客天天爭吵，一事無成。狡猾政客只顧自己選票，極力討好多數低下階層人士、公屋居民、公援人士，利用公共資源買怕，不理會資源分配是否合理，反正不需要自己挖荷包，但那些階層肯定大票倉！如短期就普選，工商未有足夠時間找代理人，則他們便成受壓迫弱勢社群。唯一出路是一走了之，屆時沒有工商業，你以為打工仔會受惠嗎？

2007-07-21 01:05:54 補充：
泛民主人士心急早日雙普選，完全出於自私，並非要促進民主。基本法根本已寫清楚最終普選，無需爭取。現在那班萬年青政客，長霸立法、區議會職位，繼續分肥享權，不讓後進冒頭。他們深知如2012普選無望，自己年紀大，行將就木，以後有得選，也輪不到自己。明乎個中奧妙，我們沒有理由陪佢顛，大呼大叫雙普選，為他人作嫁衣裳而已！