關於支付寶的問題

我係香港人 不過之前都有你類似呢d問題
不過我係買家唔係賣家
但都希望可以幫到你

1.因為我唔係用工商 所以唔知工商得唔得
但係招行就一定唔得
因為我打過去香港招行問
佢話香港招行開o既戶口
同國內的係唔通o既
(好似係因為香港招行的戶口 係用港元計
但大陸開的戶口 係人民幣計)
所以最後我係自己返左大陸度去招行度開左個大陸的戶口先ok= =
但係你都可以去工商度問一問

2.提款卡

3.因為我係買家 唔係賣家 所以唔清楚
但有親戚o係淘寶度開店 佢話係一蚊都唔駛的

4.其實支付寶個system同銀行個system係分開o既
如果你係買家 有兩個方法俾$$
一. 透過支付寶 link去指定網上銀行俾$$
(呢個方法d $$唔會入去支付寶acc度)
二. 先沖值一定金額入去支付寶度 再透過支付寶付款
(呢個方法方便d 咁樣唔駛次次都去國內網上銀行度* 但有一定危險性)
而你一定要入左真金白銀入去個銀行度 先可以沖值到去支付寶

因為我冇做過賣家
但聽親戚講
完成o既交易所收取到o既款項
都會入左去支付寶o既acc度
要再唔知做乜步驟先可以入返去你o既銀行戶口


ps* 國內網上銀行非常安全 即係佢要認證你o既手續係非常煩
例如我o係招行申請o既一卡通
在網上銀行俾$$
佢有分兩個版本的
一個係大眾版 一個係專業版
專業版係要另外申請的

如果你用大眾版付款 有時佢會叫你入個手機驗證碼
即係send個sms去你手提度 再要你打返上去個網頁先可以完成到交易
好彩就抽唔中你 唔好彩就會次次中
麻煩的唔係sms的問題
而係招行的手機驗證碼淨係可以send去國內手機號碼

專業版係入個pw就可以俾$$/轉賬 唔再需要手機認証
(不過專業版用落唔煩 但申請超煩)
申請專業版
你就要開戶果時 同個櫃位講我要申請網上銀行專業版
之後會俾張表你填
填完佢會俾張紙你 上面有個"認證碼"
返到屋企後 上個cmbchina.com
download返個專業版software
安裝好之後
戲玉黎了
就會叫你填回鄉證no.等等資料
仲有叫你填個"認證碼"
請你記住要填o岩哂d資料先好send
唔係如果你個認證碼輸入多過5次
個認證碼就會作廢 咁就要返大陸再申請
(本人曾經打電話去香港招行 中環果間 佢話香港係唔可以幫你再申請一個認證碼的
要再申請就要再返大陸的招行整~_~)
我o既情況最慘 資料入o岩哂 但係唔知點解都係登記唔到專業版
所以而家係用緊個大眾版的

如果你打算用工商銀行
你記住一定要問清楚哂佢網上交易o既野
總之佢話有乜網上野可以申請
你都申請哂佢喇
唔係就要走黎走去好多次

有野想問請你留msn俾我

希望幫到你