我想學影相呀..入黎幫幫我呀...

我都係P5000用家, 試試回答:

P5000係一部半專業(Prosumer)級數的機, 我諗初學影相, 拎住部P5000最緊要學識用PSAM 4個曝光模式的分別, 即係你可以選唔同程度的快門光圈調控. 簡單來講:

P: 程式自動, 相機幫你搞掂晒光圈快門, 與全自動(綠區)的差異在有比較多的手動選項, 如閃光燈開啟與否及加減光等等. 但因為每個情況下每幅相都有多個一個可能的拍法, 相機幫你揀的, 未必係你想要的效果.

S: 快門先決, 你調較快門, 相機幫你調光圈, 前提是得在適當的曝光組合內. 如果張相太光或太暗, 相機會提你重新選一個快門. 如果你夾硬要影, 可能只會得出一幅過曝或者under的相, 甚至只係會得到一張全白或全黑的相. S mode通常係當你要影移動中物體時用. 如果想凍結動作(例如影一個跑緊的人但唔想影到矇查查), 選一個快d的快門(例如125, 250); 如果想表現動感, 又可以專登用慢d的快門拍.

A: 光圈先決, 你較光圈, 相機幫你調快門, 前提同樣係要在適當曝光組合內. 如果張相太光或太暗, 相機會提你重新選一個快門. 用A mode通常係想調節景深, 揀大光圈(F數字細d)時景深淺d, 例如影人像時做到主體清楚但背景曚曨的感覺), 揀細光圈(F數字大d)時景深就會大d, 例如拍風景時就可以做到遠近境都同樣清晰.

M: 全手動曝光, 即係快門同光圈都係你話事, 不過相機會有提示給你(mon下方有條bar, 如果黃色部分在右邊-->張相會太暗; 如果黃色部分在左邊-->張相會太光)


玩manual機其實唔可以三言兩語講得晒, 新手初學的書市面有好多可以選擇. 好多師兄都推介呢本, 有簡體字譯版只係59蚊:
National Geographic Field Guide
美國國家地理學會攝影系列--實用攝影手冊

其實呢..你可以睇下說明書先，因為佢有講相機所有製的功能，其實都唔難學。

其實淨係識自動拍攝同唔識冇分別，因為部相機同你自己攪掂晒，所以你學唔到野，最好由p mode開始先，然後一步一步黎啦，因為攝影呢樣野雖然唔難學，但係要時間去磨練技術的。

之後就用下m mode, p mode, av mode呀咁，你就會睇到有咩唔同。有時解決唔到問題可以去圖書館搵下書，好似響940(中文)附迎就係攝影。咁你就會學多d野喇!

以後唔明再問，大家一齊學習..