唔知係我多疑定係佢變了,一人係日本等,好煩

有時，女人係會自尋煩惱，女人亦係多疑既動物，有時會話自己有第六感，覺得呢段感情有危機…。

我都明白，做女人既擔心，其實你都應該高興，因為你個男人無隱瞞你，佢同你講，話認左佢做契妹，講真，我諗佢未講呢句之前可能都認左啦，只不過同你講聲﹙即唔係事必要你答應，只係通知你啫﹚，諗下，佢呢頭話想認做契妹，第二日己認左﹗

如果你真係想繼續同佢一齊，應該唔好講咁多野，唔理係真係假，都以平常心去處理，唔係叫你信佢，而係忍，反正佢所講既都唔會得到真定假既答案。佢咁講你咁聽，佢唔講你唔好問，因為最大忌就係多問多錯，佢可以話你唔信佢﹙係呀，真係信佢先奇﹚，藉此而同你分手，順勢同佢契妹一齊，你真係聲都無得聲﹗除非你真係諗住分手﹗我都知，咁係好難忍，如果忍得到你都唔會開口話佢啦﹗但開左口講既無得救，而家就當無事發生，佢要介紹俾你識，你都要大方啲，仲要同個女仔扮friend咁，話可以約出黎行下街喎﹙不過唔好預你男友﹚等個女仔知難而退。如果個女仔又肯應約，咪照去囉，睇下佢咩料都好呀﹗講真大陸既女仔，靚唔靚都係其次，最利害係手段，你要比以前對個男友更好，就算佢真係出軌，做錯事，你都可以理直氣壯咁企响佢面前，而唔係因為發脾氣而俾佢有藉口﹗

唔使亂諗野，對你無益，佢唔打俾你，咪當佢真係好忙囉，無得話佢唔啱，亦唔好諗佢同個女仔點點點…，你都唔知佢咩樣，乜頭乜路，等見到先再作打算﹗

首先你應該高興你男友一開始就向你坦白.
如何你問我佢唔會唔呃你, 咁你現在有無金錢同感情的損失?
在工作方向, 男人是很須要身邊的人去支持的, 忙碌工作的時候就不應去煩人. 將心比已, 自己工作忙都會唔想人煩.
但至於你男友同契妹會不會將會發生事, 如你唔去同你男朋友傾下, 表明你既想法, 要仔考慮一下你的感受的話. 將來你男友就算唔同契妹, 都會同另一個人. 我相信你明白我的意思.
許多時候, 很多男女都以為對方會清楚自己的想法. 其實你又想想你明不明他的想法? 大家唔講就唔會明唔會知!

一次不忠,百次不容
有第一次,遲d再有第二,三次架啦
未成事實既事,你不宜多想,
但係千期咪比佢享齊人之福

一個31歲血氣方剛的男子上到大陸, 仲識到契妹呢D風塵女子, 我想他只是一時興起, 見人地驕小玲瓏, 楚楚可憐, 眼仔look look, 胸襟廣闊. 男的就自以為好掂, 好想照顧人. 呢D都只係一時之氣. 香港男人在北搵了一些香港找不到的, 就是自豪感, 優越感, 好似做大爺, 英雄好漢. 尤其你男友之前咩project failure, 可能想在大陸搵果種既快感. 話明係快感, 好快就完, 到時他會再理返你, 你之後都要比D自豪感, 優越感佢.