先生死了唯下了6至7張信用卡點 算

係法律上，債務並不會在當事人死後轉給家人的。

不過，假如當事人有其他資產的話，債權人 (銀行) 可以向向法庭申請從當事人的遺產中扣除相關金額，有淨先至俾返遺產繼承人。

另外要搞清楚，無論有無做按揭，物業擁有人都是業主。不過你按左俾銀行的話，假如欠債人 (業主) 無力償債，則銀行有權拍賣物業，將所得款項扣除欠款。如果有錢淨的話，銀行要俾返事主。

無論任何情況，家人都無可能反過來問銀行取回已供款項的。

舉例，有人欠銀行卡數10萬，有層樓有按揭，另外有銀行存款5萬。當佢死後，原則上層樓同銀行存款都歸他家屬 (或當事人生前指定的遺產繼承人) 所有，而遺產繼承人亦無責任幫當事人清還卡數或繼續供樓。但係由於當事人生前有欠債，所以遺產繼承人不能夠直接繼承層樓及銀行存款，要先清晒當事人生前欠銀行的卡數，又或者願意將當事人生前所有欠債攬上身，否則銀行有權向法庭申請將層樓變賣，扣除有餘款先至俾返遺產繼承人。

我唔係律師, 不過聽講老公信用卡欠債係唔會要老婆上身, 除非老婆有附屬卡用就唔同.
因為有朋友試過欠卡數後去破產, 破產署都唔要佢老婆交資料, 有樓有存款都無問題, 只要無個老公份就唔須要填出來, 人未死都唔要代還, 咁人死左就更加唔可能要負責.