英泥, 水泥與石屎有何分別? Cement and Concrete?

英泥和水泥是同一樣物料,內地人多稱水泥,港人則習慣稱為英泥.正碓的英文是cement.多是黑色或白色粉狀的,當然還有較冷門的綠色.
石屎是俗稱,正碓應為稱為三合土.英文是concrete,以一定比例的沙,石角,英泥,水等
混合而成,視用途而加入不同粗幼的鐵枝或高拉力鋼筋,有等工程還要加入強化
劑.乾後成堅硬的固體,承托力極強,不易碎裂和防水功能.

2007-07-20 10:07:04 補充：
英坭老一輩的人稱之為'紅毛泥',不知是否和英國人有關呢?因老一輩的香港人稱英國人為紅毛,美國則為花旗.

石屎(俗稱)=三合土=混凝土=concrete
紅毛泥(俗稱)=水泥=英泥=cement

點解叫三合土(即混凝土), 係由三種主要物科組成, 沙(sand), 英泥(cement) 同埋碎石(aggregate); 再加適量水份同空氣混合而成. 但份量唔係估出嚟, 由工程師決定混凝土嘅乘受力用公式計出嚟, 三種物料水泥最貴, 所以不法建築商為錢偷工減料; 盡量減少水泥份量而增加其他物料, 但三種份量係計出嚟唔可以立亂改, 如果石屎被減料會造成石屎唔夠力會影響結構.

點解水泥會咁貴? 因為佢唔係真係泥做, 水泥係由多種化學原才料組成, 當加入適當水份就會產生化學作用將沙同碎石凝固而變成堅硬, 水嘅份量亦要求嚴格, 唔可以多亦唔可以小, 在進行化學作用期間唔可流失水份, 你可以見到工人落完石屎之後會用膠紙蓋好或者用濕麻包袋蓋住, 減少水份因太陽曬而流失.

好難講混凝土邊個發明, 因為唔係發明出嚟, 係由物料研究工程人員經試驗做成, 古時都有類似混凝土嘅嘢, 好似坭加草再加水造成坭屋, 而家好多落後地方都有用緊, 所以好難講邊個發明, 只不過經時間改良而變成而家嘅三合土.

Cement 英泥又名水泥
Concrete 石屎 (Concrete is a mixture of water, cement, sand and aggregate 碎石)
Aggregate defined as small rock (sizes < 1 inches)

2007-07-20 00:56:44 補充：
（石屎）又稱（混凝土）或（三合土﹞，因為是 3 種不同材料組成﹝英泥 + 沙 + 碎石﹞。