✔ 最佳答案
有心要練拍子的話,一定要數出黎
你先對住個譜,數拍子,要出聲數喔
然後用手拍大脾,左手拍拍子one two three...,右手拍節奏
同一時間用你的腳輕踏地數拍子
跟住你試下拎住支樂器,放係嘴邊,手指照樂譜禁,不過唔吹,出聲數拍子
腳依然都要踏地,不過動作慢慢細d,直至只用腳尖(甚至只係 腳趾公)的小動作來數
試吹出聲,腳要keep住郁
到有問題的小節就不斷死練多幾十次
以上的練習係用黎訓練你用身體不同的部位去感受節拍
直到你有一個大概的拍子機係心入面
這是練你的拍子底的練習
不過樂團係一個合作的表現
你自己點練都難保係合奏時不會受其他聲部影響
所以要不斷去聽你要演奏的曲目,要細心聽,特別係要用耳仔聽出自己的部分,再記熟佢
要聽到發夢都哼得出喔
這是以外力的幫忙,用耳黎記憶節奏
「我係多數吹後半拍,前半拍係休息,因為冇左前半拍,所以好難拍得準……」
其實up beat(後半拍)的節奏冇你覺得咁難的,你客觀d聽的話,佢同正常down beat (前半拍)的節奏係一樣的,只不過佢係遲左半拍開始啫
爵士樂的靈魂就是up beat節奏啦,聽多d對你有幫助,聽的時候跟住拍喔
數的時候以自己把聲做down beat,大聲數出one-two-three,然後用手拍出每個and(即one 拍two 拍three 拍...),咁的拍出黎那個就是你要吹的,習慣左個節奏感,難度就降低架啦
節奏感不錯的人都比較難習慣up beat節奏,因為一般的曲都係down beat的,但只要練習過的話,要掌握就不難啦
我係鋼琴出身的,之後學過雙簧管時都有遇到節奏問題
因為彈琴時主要係靠把口,但吹的話冇得數,不過我好快就克服左
只要你個拍子底練得好,嘗試學習感受節奏(不過點都要心數喔),那學其他樂器都唔係問題了