我係新手, 但好想知道呢兩日(黎近下星期)股市係咪會調整, 咁有冇需要放股票??

如果你既錢唔急用既, 我覺得可以放下先囉........
因為我睇你既股票應該全部都係抽返黎既.........
基本上都唔會蝕得去邊, 如果沽左佢又買返,一來一回都唔見左手續費喇。
另外，你手持既股票重有一d係"貨源歸邊"期(就係一上市即刻升到新高，
然後就等一排或跌返一排先會再升既期間，等散戶d貨去曬d大戶手上)先會再升.......
如 e.g1 中信1616 (1883)上市 見 $4.54 然後 低見 $3
e.g2 碧桂園 (2007) 一上市見$7.39 然後 低見 $6.46
其實你持有既唔係恆指成份股，個市跌對你既股票可能會有影響，
但可能有或可能冇.....最重要都係睇返你個隻股票既消息......

第二就係本身你抽既股票經過個d所謂保薦人(如 瑞銀、花旗銀行等)既估值後，其實已經估得好盡，所以最近你會成日聽到d新股未上市就話貴就係咁解，上市再急升一輪之後根本同已經同上左市既公司估值差唔多，隨時可能重貴添......

但你又唔駛咁灰.....因為佢地d招股書上面都有寫佢地既盈利增長預期，一般都係好高增長。所以隻股本身升唔升，就睇返隻股既消息，通常新股既第一個令佢升既消息就係佢上市之後第一次公佈業績又超出招股既盈利增長，反之亦然。

不過，你上市第一日唔放，就不如唔好放..........
有耐性既，隨時有一日好似隻 港交所(388)咁 三個幾 上市 升到而家一百二十幾 蚊......
哈，當然萬中無一喇........

本人持有網通(0906)、中國海外(688)、紫金礦業(2899)、中信1616(1883)之股票

如外圍市場有壞消息出現，相信會借機作為調整藉口，因市場已嚴重超買。放與不放，要看你心目中的回報是多少，我建議你：如股票有約15-20%或以上利潤，現在可先行沽貨，待價位回落時再買入。

首先，你要想想中國政府若想遏止通脹，哪些行業會受影響。

然後，你要看看，你手上的股票，哪些的市盈率比較高，上升空間有限。

最後，你要看看手上股票的前景如何。

值得一提的是，如今市場上充斥資金，就算股市要調整，資金總要找出路，所以，調整才是入市的良機。