請問數碼相機中,為何單反機的快門與DC的數碼快門會有分別??

數碼單反機就係好似傳統菲林相機咁係用快門簾控制快門打開時間.機械式設計反應非常快速,差不多一按即拍.唔好處係機械部份始終有磨損,但現在單反機快門都有幾萬次先要更換,也頗耐用的,另一個缺點係由於快門簾的移動會做成最高速閃燈同步的限制,令到在烈日當空下不能用大光圈的同時又用閃光燈.雖然用高速閃燈可突破這限制,但閃燈火力會大大減弱.
DC的快門則不靠快門簾,純粹靠截斷電流去停止曝光,由於DC係用感光完件做live view,在全通電狀態下立即曝光會引起大量雜訊,所以必需先關閉再開啟才真正曝光,做成DC的快門時滯比較長.好處係可以完全冇快門聲同埋冇閃光燈同步速度限制,1/1000秒,1/2000秒閃燈都可以同平時一樣咁用.
在DSLR歷史上曾經出現過結合這兩種技術的Nikon D70.閃燈同步快門可以去到1/500秒.令閃燈可用性大大增加,至於後來為甚麼沒有發揚光大就不得而知了.

2007-07-20 10:49:44 補充：
唔駛Nikon D2H,好多機都可以用高速閃燈,不過高速閃燈副作用係會令閃燈火力嚴重減弱,我已經講咗.如果唔存在高速快門又要用閃燈的情況,咁高速閃燈既開發係為咗乜?只係好簡單咁想在烈日當空下背光時用大光圈影淺景深人像照己經要用高速快門.光圈隨咗控制入光量另一個更重要的作用係控制景深.

2007-07-23 15:29:22 補充：
背光影相可以令人既輪廓出啲同增加對比,葉青霖都成日教人咁影,而且正光影相好容易令被攝者眼睛受太陽影響而瞇眼.至於大太陽影相好唔好睇我留翻俾發問者自己判斷.你第二點同第三點有矛盾.單純靠改變光圈快門係唔會可以做到背景冇咁爆前面又足夠曝光的,只會兩頭唔到岸.加減光鏡冇錯可以代替高速閃燈,不過想影深景深時又要除咗佢,要再影淺景深又要裝翻,會幾麻煩.而且不會增加閃燈火力,因減自然光的同時都減埋閃燈光.同埋多塊鏡點都對光學質素有小小影響.

2007-07-26 19:14:38 補充：
好高興可以解答到你問題

其實冇乜分別架咋, 因為大家都係一個時間,
所以如果見到一個數字, 咁快門開啟時間就係果個數字既倒數,
好似125 = 1/125秒
4 = 1/4秒
等等.
如果數字係以x2咁樣倍大/細, 就為之一級.
DC同SLR分別在於SLR可以三分一級咁上落,
而DC好多時都係一級或半級咁上落,
所以數字上就可能差少少,
但係亦應該有幾個位係一樣既.

2007-07-20 09:41:49 補充：
兩者構造唔同, 但係咪又係要計曝光時間?btw Nikon既D2H 可以做到1/8,000秒閃光同步, 不過要配同廠閃燈.冇人夾硬推高閃燈同步快門極限既主因應該係:***根本唔存在需要咁高速既快門同時又要開閃燈既情況.***其實閃光燈發光既時間係好短,只係幾百份之一秒甚至千份之一秒就熄滅所以就算開到1秒快門, 出黎既效果同用1/250秒既快門唔差得多.而用閃光燈時, 曝光多少係決定於光圈, 唔係快門,所以如果你有留意閃燈既指引, 佢只會叫你係幾米距離就用F8, 幾米就用F5.6 咁,唔使理快門.

2007-07-22 17:06:38 補充：
講講下原來離左題.你個情形其實亦好少會出現:1. 太猛太陽影人像根本就唔靚, 何況仲要背光2. 重點測光以主體做標準亦ok (背景友佢爆光)3. 唔想背景太爆就減少少EV, 冇乜人會用好似我果支全manual閃燈, 佢地會識就.4. 請用減光鏡. (百零二百一塊可以減一兩級光, 好過搞咁多野)明未?