好easy咋~入黎答我~~唔該!!

首先，買啞鈴唔需要返大陸，因為好多運動用品公司都有得賣，例如旺角波鞋街就有好多選擇。

第二，唔好買梗10kg，一來太輕，如果你認真鍛鍊的話，好快你就覺得無料到，唔夠重。你應該買可以加減重量的啞鈴，然後就住自己的能力及進度，選擇不同的重量。

係香港買啞鈴，一般由二百多至成千蚊都有，不過貴的並非效果好，只係 d 鋼材靚 d，但係鍛鍊效果則平貴都無分別的，所以揀平平地二百幾蚊貨式就得~

題外話，自己用啞鈴來鍛鍊唔係唔好，不過一定要請教識得練健身的人，指導你點做，否則不單只無好效果，反而可能受傷添架! 如果你讀緊書，就問下你學校的體育老師吧~ 只要你有禮貌又肯虛心受教的話，我相信體育老師會樂意幫你的。

2007-07-19 14:40:38 補充：
重有，係大陸買啞鈴，然後自己拿會香港，好重架好辛苦架! 要練大隻都唔係用呢 d 方法~