點樣先令倉鼠唔咬籠?

A.倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野
因此鼠鼠係咩都咬,而且鼠鼠唔會明白咩物品係用唻磨牙,所以就會胡亂咬第d野

B.唔想佢咬籠可以試下教佢:
我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次

最好盡力較佢,因為咬籠好易整到鼻同下巴既毛甩,甚至流血

C.鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽 磚OR較硬既食物棒(一支木,外面有食物包住)俾鼠鼠咬,都可以買d木制玩具俾鼠鼠咬

D.另外,其實你見到你其中一隻鼠好惡有冇考慮一下分籠?倉鼠本身就係獨居動物,多數慢慢長大就會有打交既情況,而熊仔鼠係比細鼠更加易打交同更早會打交的
我之前買左隻女鼠返唻,點知原因係有左bb既,生左bb之後,未戒奶就打生打死,想分開都冇辦法
鼠鼠半夜係最活躍既,可能會忽然半夜打得好勁,但又冇人發現,到時先丙處理就太遲了
同埋你話其中一隻好惡,有冇打傷其他呢?記得要檢查多D佢地既身體同排泄物,有時冇打傷,但嚇親都會有肚瀉等問題

E.希望你可以考慮一下分籠啦,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-07-19 08:47:55 補充：
漏左講,佢地有一隻較惡,應該係佢地有打交吧,幾隻有打交行為既鼠,情緒都會較緊張,就好似俾幾個敵人同你被困一齊咁所以會咬籠咬得特別犀利都唔出奇,當然,隻隻鼠緊張既反應都唔同的

2007-07-20 15:03:07 補充：
話有生果味既磨牙石大多有色素,可能會甩色,而且都唔健康,所以最好唔好用啦

你可以放d磨牙石。

e家有d磨牙石有生果味嫁。例如：香蕉味．．．．．．

佢地咬籠係為左磨牙,唔磨佢地d牙會不斷生長。
想佢地唔咬籠,可以買舊磨牙石俾佢地咬,
但有d倉鼠唔鍾意舊石,係都要咬籠,就冇法