✔ 最佳答案
$$$ VS 老公的問題,兩者都是問題。「親生仔不如近身錢」喔! 所以妳考慮到搵份兼職幫補,很對! 也有骨氣,男人唔係幾靠得過,尤其係那些目中無人啲大男人,唉~
圖片參考：
http://hk.yimg.com/i/icon/16/17.gif
1. 若要先過老公果關,能否同佢開心見誠兼言辭委婉咁傾傾呀?不妨列埋張清單比佢過目(佢吃飯唔知米貴),$3500家用實難支付租/水/電/管理費/每餐買菜煮飯/阿女奶粉尿片/阿女昂貴BB班等等......,條數根本COVER唔到,但又不欲再榨取老公的薪金作為支出家用,佢已經好慳好辛苦嘞(懶係替佢設想咁囉),所以才希望搵些日間時間較短,不會影響到晚間生活的兼職做(晚上尚要服侍佢喱位大官)。而且,返下兼職,不會跟社會脫節,他朝重投社會個履歷都唔會留白,好睇D吖。
2. 萬一傾唔掂數,能否搵一些幫手? 如老公家人,動之以情,說之以理,佢其實無乜禁絕啲理由。即本分析比佢知妳返兼職啲種種好處,問下佢啲高見有乜壞處(好像好尊重佢咁),將佢啲懷疑/不安/猜忌一一化解撫慰,甚至答應先試行一段時間,日後再作討論調整,應該唔會造成夫妻間的嫌隙和不快架噃。
3. 至於個女,能否交媽媽/奶奶/鄰居/本地鐘點湊(超市貼紙/勞工處招聘),媽媽/奶奶/鄰居方面當然也要付工資和生活開支。
後果可能好大? 所指是否離婚收場?若以上做晒,遷就咁多,佢仍然不滿,佢仍然妄自尊大,重諸多留難,諸多鉗制啲話,咁未開化啲小男人,妳休咗佢都得囉~
圖片參考：
http://hk.yimg.com/i/icon/16/66.gif
