懷孕八個月食唔食得綠豆沙,涼粉....架?

都已經8個月, 當然食得, 可以一星期食2次, 到9個月再食多d都得!
我自己到8個月都成日食綠豆沙/豆漿/符竹蛋(但最好自己煲),
對清胎毒好好! 如果唔清下D胎毒, BB會起好多粒粒, 好熱氣, 好難去便便。
但我建議涼粉就唔好食, 因為一般都要買出面, 驚唔衛生, 而且係生冷食品,
對你同BB唔係咁好!
我BB出世已經1個月, D皮膚同便便都OK!

唔好食涼粉bb會好黑
我有個朋友話比我知
係真的
9個月先係涼野會好d,因為就黎生得
8個月你可以一個星期食一次食小小
不過睇你咩底
熱底就唔怕啦

8個月乜都食得啦,

頭三個月就唔食得,
我自己到8 ,9 個月都成日食,
連"pon" 煲雞蛋糖水,符竹蛋糖水去清胎毒,
如果唔清下D胎毒, BB會起好多粒粒, 好熱氣, 好難去便便。

梗係食得啦
頭三個月就唔好食住
八個月乜都食得啦
當然都要睇返你自己身體情況如何
如果你個bb好穩定,食少少(半碗)都冇問題
你都唔會日日用涼粉當飯食啦
注意唔好食龍眼荔枝果d熱氣野就真呀
因為大肚婆體質會變熱,但係生完會變涼
中醫都有講,大肚時一盤火,生後一盤冰
大肚時唔好亂食辛辣野呀,唔係bb出世d皮膚唔好

你千萬唔食！！！！如果你唔想冇左個bb就唔好食!!!
因為綠豆沙,涼粉....是非常寒涼的食物
食左呢d等於落仔

以我嘅經驗~ 我懷孕八個月時,可能呢兩樣唔咪大鐘意吃! 在記憶中吃小小無妨!
我有個生咗三件嘅姑姐,她都叫我懷孕早期唔好食咁多寒涼及生泠嘢! 但到差唔多生時,
約生前兩個月,簡單D就煲~符竹白果雞蛋糖水或想好D可以到老字號中藥店去執些大肚婆
專來煲雞蛋吃嘅糖水(乜草名,我忘記了!). 有乜好: 話去下熱氣等BB生出來時皮膚靚D!
我大肚後期五個月後,幾乎乜都吃(除魚生少吃)! 我食乜佢食乜!日後出世吃嘢時容易接受其他食物等佢習慣有乜吃乜!無咁~偏食! 連平時受唔到嘅“豆漿”我都飲到! 真奇怪!不過生完打回完形!因我平時未懷孕前飲豆漿,我會胃脹! 至於我生出來個B的皮膚都0K!
我覺得你如果是怕驚,以中醫角度最好去把吓脈,睇吓你係寒底或熱底受唔受到吧!
至於西醫嘅角度,佢哋無分同界定,只要想食就食吧! 簡單!
希望幫到你!

呀碼話唔食得架，平時食M都嚟得快D啦。就嚟生、忍吓啦，妳都想BB足曬月，肥肥白白唔扭計，係未？